ان كانك تطري الوادي = حامينه الاد شدادي
باللي حسه كالرعادي = فالجيلاني مواريها
حميناها يا ربداني = يوم الملح له دنداني
يوم انت مع العتباني = والخرفان تربيها
وفي كلامك تطري صايل = رجل ٍ من عرض القبايل
ولا يجينا كود العايل = وروس العيّال نوطيها

ارس يا عد ٍ هله نزّلوا فوقه = قرروا مشروبه الاد شدادي
ارس يا عد ٍ هله نزّلوا فوقه = لين راع الدين يخلص ويزدادي
شاهد الموتان تحته ومن فوقه = عزوتي في الحرب شجعان الاولادي

روّح الموتر وجاين له كراره = وأستوى المرواح والشاعر يغني
والأمير اللي ركب وسط الغماره = الركايب قدهن لا يكبعني
العشاء نبغاه عند أخوان ساره = والرجال من الشكاله ما تملي

أختصم يا سفر من شاعر الجني = بعد ما حليت داره وأشاعيبه

الله أنه منك يالجن يامني = الخلا يا ناس أنا وش بلانيبه

دق نجر الكيف وأحمس من البني = جاك للكيف المصفى شراريبه

ما معي كمله وأنا مقدر أغني = والوجع في الراس لجة كلاليبه

كان جاك الموت لا تنقلب عني = من يخلي واجبه يقمح نصيبه

والله أن الموت ماهوب مشحني = مع طرف سوق ٍ تجيله مجاليبه
ما بلاي ألا صغار ٍ تعايني = لا صديق ولا رفيق ٍ تنويبه