سطوة الحرف
ياعاشقين الهام اﻻشعار والحرف=يلزمكم التركيز في كل اﻻحرف
عندي قصيده لجلها يسهر الطرف=وتخلي النقاد كل يطرف #
ماقلتها عند البشر لجل ابي عرف=معروف والمعروف ماينتعرف
اقولها ﻻني صرفت الذهب صرف =لكن عميلي مايعرف إيتصرف
مواجعه من قوها يكثر الذرف =لو سيرته فيها الخﻻيق تشرف
لكن اشوفه قام ينهال به جرف=وعقله عجز ينجز قراره وخرف
لكن دام احواله ايعمها ظرف =طبع القرار اصبح لدينا مظرف
ومعه الهدايا زينت منظر الرف =واقوالنا في ذا الزمن ماتحرف
والجندي اللي حده الوقت للكرف=صدر قراره بعد كل تطرف #
واهل البشوت اللي تبى المشيخه زرف=نقص على وجه الزمان المصرف
اما هل اﻻمجاد والدين والعرف =فيهم نقوي وصلنا وانتشرف
ونسرف بفعل يهلك اخصامنا ..سرف=وافعالنا في كل ميقاف تعرف
ماهزنا ضحكة مدلع وﻻ ترف =لكن عسى الرديان فالوقت تجرف
يقولها اللي يمتلك سطوة الحرف=شاعر تمادى في خياله وسرف
منجم ذهب وان عودت شعر مع عرف=معروف والمعروف ماينتعرف
#عيد_الشدادي
توقيع : عيد الشدادي |
بيتي مشيد في قيا للمناعير=وانا على بابه وارحب واهلي..
افخر بمقدوم الوجيه المسافير=مادام قدري فالزمان امتعلي..
.
.
. . .
.
الفقد ..ماهو فقد من غاب يومين=الفقد والله فقد شخصٍ توفى
فارق وخلى من يحبه من سنين=ياموت هد شوي طالبك تكفى
.
.
عيد الشدادي
|
التعديل الأخير تم بواسطة ! سارة الغيد ! ; 02 Nov 2014 الساعة 12:02 PM
سبب آخر: تنسيق
|