ياليتني يم الامرين نزّال = في دار ربع ٍ يحتمون التوالي
اخير من دار المجنن والانذال = في دار ربع ٍ يكرمون الرجالي
اهل الوفاء والطيب في كل الاحوال = واهل الكرم في معسرات الليالي
واهل حكار ٍ فوقها السمن زلاّل = ونجورهم من طيب اهلها تلالي
ربعي بني شداد ماضين الافعال = لطامة العايل نهار القتالي
اهل النضا وان جاء نهار التجيوال = عاداتهم كسب الثنا والطوالي
خيّالنا ينطح ثمانين خيّال = يقدم على جمع العدا ما يبالي
ربعي هل الطالات سمحين الإقبال = اهل الشهامه والعطايا الجزالي
هيّضت قيفاني يوم ان الخبل قال = ابا اسكن بـ( جدة) على كل حالي