مما قاله الشيخ رباح في محمد بن علي ابن شاهر من الجياشه عند بعض وقفات محمد
يابن علي شمعة الضفران = غالي وذكرك بعد غالي
لـــــعل يفدونك الرديـــــان = لو كان مليون رجالـــي
اليا جيت يمك قضيت الشان = قالوه ماضين الافعالي
تستاهل المدح ياكحيلان = في المجد لك موقفٍ عالي
ترى المراجل لها برهان = مهوب هرجٍ على الخالي
المدح ورثة من الجدان = معروف في كل الاجيال
من حنكة أبوه والعمان = حنكة وفا مالها مثالي
يوم المراجل لها ميدان = يوم الجهل تلحق التالي
ولا هم في الموجبة ذلان = ساس المراجل والابطالي
محمد على ماضي الازمان = له وقفته تفرح البالي
المجد والطيب له ميزان = ما حصله كل رجالي
عوايد ابوه والجدان = نطحت شبا كل عيّالي
هديةٍ حملها تيجان = تهدى لابن علي طوالي
وسامها الورد والريحان = مهيب تهدى للأنذالي