شبكة الشدادين - عرض مشاركة واحدة - نافذة على حواء [ سوالف بنات / بهارات الكلام ]

توقيع : تــرف

على قولة ماما مجاكر حريم

أنا بالنسبة لي ياحلات اللي تفيخر وهي تستاهل الفخر اللي يبط كبدي لاصارت الحرمه مدلّعه وزوجها مو مقصر معها

وتحسس العالم إنها ع قد حالها والسبب عشان محد يطمع بزوجها ويآخذه < ماله دخل بموضوعك بس شي ملاحظته

وقاهرني هههههه

الفخر لاصار كذاب الله يشفي صاحبته لأنها تعاني من نقص ومرض نفسي و

ماراح يستمر هالكذب حده يوم يومين وتبيّن الحقائق لأن الناس لها عيون تشوف مو بس

آذان تسمع بها

وبالنسبه للتفاخر مو شرط إن قالت البنت أنا شريت كذا أو وش رايك بجهازي هذا أو فستاني كلف علي كذا وكذا

يكون من باب التفاخر مادري ليه أغلبية الحريم كذا تفكيرهم مثلاً أنا كنت بجلسه حريم ونسولف عن لبس العيد

وخلصتوا أو لا جت وحده وقالت :

تصدقون صرفت للحين أربع ألاف وباقي شغلات بسيطه ماخلصتها والله يعيني

شنو بيكون تفكيري حزتها ؟

بالنسبه لي بقول :

يامعوّده أهم شي خلصتي من الأساسيات ولبساتك كلها الأشياء البسيطه يمديك عليها

ماراح أقول تفتخر لأني أعرف شنو هي تلبس وأعرف الأسعار واعرف الأماكن اللي هي تشتري منها

وأعرف إن المبلغ اللي قالته بالنسبه لوضعها ولطلتها المعروفه شي طبيعي

مثل ماقلتي ياجواهر بنت النعمه مانستغرب منها ولانكذبها لكن لو جت هالبنت

وقالت هالحكي عند مجموعه حريم ثانيات مو متعودين يصرفون هالمبلغ سواء بخل أو امكانياتهم ماتسمح

بينظرون لها مثل نظرتهم لبعض بيقولون تفتخر وكذابه ومستحيل تلبس بهالمبلغ يعني صارت ضحيه

لتفكير طبقه ثانيه وهي عندها تعتبرها سالفه عاديه قالتها مو قصدها مفخره لأن الفخر مو بالمال

أو الخطاب أو ,,, أو ,,,,,

الفخر بذاتك وشخصك أنت شنو قدّمك وشنو أنجزت وشنو رقمك بالمجتمع هل أنت شخص ناجح

فعّال شنو فكرك وشنو حجم عطائك وتخلي المجتمع يفخر فيك وبوجودك بيناتهم مو أنت تقول

أنا قدمت وأنا فعلت لا بل تخلي فعلك هو اللي يتكلّم عنك "

المشاركة الأصلية بواسطة :

اقتباس

وهناك ظاهرة أحب أسميها
شافوه عليّه
هذي عاد مسوية فينا البهاذيل
والله يعيينا عليها

ههههههههههههههههههههه

هالنظره هذي وربي دخلنا بسببها بالإسراف أدري إنها غلط خصوصاً لاصارت عاده في البنت

أنا بقوه أعاني منها مو بالمناسبات هالشي مفروغ منه مستحيل بنت تلبس لبس متكرر بمناسبه

عيد أو حفله أو زواج أو عزيمه لأننا مو مثلكم يالرجاجيل تحكمنا موضه وتحكمنا طله جديده

لكن المعاناه لاصار هالشيء أزمه نفسيه لصقت فيك أنا زوجة أخوي لها عنده تقريباً سنه ونص

وتجينا بالأسبوع أربع مرات لليوم مو قادره ألبس عندها شي شافته علي حتى ماما تعاني مني

تقول أنتي أكثر وحده ملابسها تروح للجمعيه الخيريه كل شهر لأنها لو ماوديتها كان غرفتي والسيب اللي قدامها

صار كله ملابس إذا قالوا لي حرام قلت أنا ماقطيتهم أعطيهم الجمعيه الخيريه وهم جديدات بس بقرارة نفسي

أدري إنه مو زين وغلط وبيأثر علي حتى مستقبلاً والكل يأنبني لدرجة حريم مالهم دخل فيني يقولون

نشوفك باكر ببيت زوجك والله إن تلبسين القميص اللي شايفه نفسك عليه

هم ع بالهم إني مدلعه وإني مغروره وإني وإني ليه لأني أقولهم ماعمري بحياتي لبست قميص

إلا كم مره وبالغصب والقصد إني أكرهه لكن تفكيرهم وين راح إنها ماتشوف أحد شي

لدرجه يدخل الحسد بقلوبهم ويتمنون يشوفوني مستقبلاً لابسه شي عادي ومو حلو وربي العظيم

مره جتنا حرمه فجأه وكنت لابسه لبس البيت ومامداني أطلع من الصاله قلت بسلم عليها قبل وأطلع أبدل

شافتني وهي تسلم وربي الابتسامه شاقه حلقها قالت أخيراً شفناك بهالمستوى قصدها شفتك بلبس عادي

ماعمرك طلعتي فيه قدام أحد من بعدها عرفت إن دوى الحريم أكشخ وألبس وخلهم يقولون اللي يقولون هههههه

لأني ماكنت أتكلم مجرد بس لبس مثل كل البنات اللي يحبون طلتهم تصير حلوه لكن ربي بلاني بحريم

عندهم فلوس ومايحبون يكشخون ولاكشخت الوحده ماتوا قهر وقالوا مدلعه مافيهم حل وربي حتى لو ماتقولين

إنك شريتي حتى لو ماتتكلمين بهالمبلغ من الفلوس هم مجرد مايشوفونك مطلعه جوالك من الشنطه

وآخر موديل وهم شايفينك قبلها ومعك جوال ثاني مايحتاج بيكفون ويوفون وخصوصاً عاد لاصرتي كاشخه

وحتى لو هم متعودين عليك كذا بيقولون شفتوا فلانه ماتشوف أحد قدامها لابسه كذا ومعها جوال كذا وشنطتها

كذا ويفصلون طلتك ذاك اليوم كلها مع بهارات بالحكي توصل أحياناً للرجاجيل وعاد لاانخطبت يوصلونها

حتى لخطيبها والله يعينك يافلان يقولون اللي بتتزوجها شكلها بتخليك ع الحديده متعوده ع الدلع وسلسله

مترابطه من الأخبار كله بسبب لبسك أو طبعك عاد واللي يقهر لو شافوا وحده عاديه جلسوا يسبونها

وماتلبس وماتكشخ وجوالها قديم ياأختي من طاوع الحريم انهبل هههههههه < مسويه مو حرمه

ففيه فرق بين اللي تعودتي عليه وفيه فرق بين الفخر الكاذب وفيه فرق لما أحد يتهمك

بالفخر وشوفه النفس بس من طلتك وأنتي بعيده عنها وكل هالأشياء يحكمها

وضعك الإجتماعي "

طولت وبقوه بس عشان أثبت لكم إن سوالف البنات ماتنتهي < عاش مصرّف:MsgPlus_Img0297:

جوجو بجد بجد نوافذك كانت فكره جميله وطرحك راقي لأبعد الحدود

وهنيئاً لنا بك وبفكرك وبنقاشك الجميل ولاعدمناك يالغلا