أن ضاق صدري قلت ببدي للأجواد = اللي سوالفهم تزيح الهمومي
يا حلوها حلواه دلة وبرّاد = عصريتن مع طيبين السلومي
مجلس نشاما ٍ جاء لهم في اللقاء عاد = عاداتهم في الهوش لطم الخصومي
أهل الشهامة والكرم وأهل الأمجاد = بذالت المعروف ربع ٍ قرومي
ما أخاوي ألا من صناديد الأولاد = زحول الرجال اللي تسد اللزومي
ولاني بخاوي كل خايب وحسّاد = وعن مجلس الرديان أشهر وأشومي
هذا هوايه والسواليف تنقاد = والناس كل ٍ له شف ويمومي
وختامها صلوا على سيد الاسياد = شفيعنا يوم الحشر والزحومي