10 Aug 2018, 01:01 AM
|
|
قصيدة مدح في الشيخ دخيل الله ابن هلال(17)
قصيدة مدح في الشيخ دخيل الله بن هلال لافي الشدادي،،
رحمه الله رحمة واسعة وأسكنه فسيح جناته،،
للشاعر / حسين بن عايض الكريعي ،،،
يالله طـلـبـتــك ياإلـهـي وأنـتـه الــفـــرد الـصــمــد=طلبـتـك يــارب الـبـشـر قـبــل الـعـلـوم أبـدابـهـا
يـا رب عبـدٍ قـام بالـواجـب وفــي بيـتـك سـجـد=كل الفـروض الخمـس عنـد أوقاتهـا صلابهـا
أنـــت الـكـريـم مـسـيـر الأرزاق حــــلال الـعـقــد=أطلـبـك يـالـلـي مـطـلـع عـــن نـيـتـي وأدرابـهــا
عن طاعـة الله والحقايـق مالنـا عـذر ومصـد=مـادامـت الـهـجـرة لعاشـقـهـا ومـــن يشقـابـهـا
سـلام يـا شـيـخٍ مــن الـحـرث لـنـا عــز وسـنـد=عـداد ماتمـطـر سـيـول الغـيـث مــن سحابـهـا
شهـمٍ كريـم الشيـخ بـن هـلال ماعـنـده حـسـد=مــــن الــرجــال الــلـــي تـشـرفـنــا ونـتـعـزوابـهـا
يحضـرون الكيـف قــدر الضـيـف لامـنـه قـعـد=مايشترون إلا السمان اللي اللي مع جلابها
يـالاد شـداد الرجـال اللـي تضـد الخصـم ضــد=أهـل الفعـل وأهـل الـكـرم والـنـار مــن شبابـهـا
من يعمل المعروف والإحسان يبشر بالسعـد=والـصـدق بـيــن والـمـعـزة حاسـبـيـن حسـابـهـا
قال المثل من جد وجد واللي زرع زرعٍ حصـد=وأهـل الــدروب الـلـي نظيـفـة مايسـكـر بابـهـا
ياجعـل بيـتٍ فيـه قــدر الضـيـف دايــم مايـهـد=منصـى الرجـال وفـيـه شـيـخٍ كلمـتـه يعنابـهـا
مطلوبنـا اليومـه نبـى فزعتـك يـا شـيـخ البـلـد=بـعـد نشبـنـا فــي ديــونٍ مــا خـلــص طـلابـهـا
يا راعي البيت الذي ثابت على اساس وعمد=لـه مجلـسٍ ياسـع شبـاب الـدار مــع شيابـهـا
هاذي علوم الشاعر اللـي فـي مكرمكـم قصـد=شـاعــر بـيـوتـه تـعـجـب الــعــراف لا غـنـابـهـا
|