مرحبا في حلةٍ ضيفهـا يلقـاء غـلاه= لو مكانه داخل العين ماضاقـت منـه
قالها اللي مايزعل ضيوفـه وزمـلاه= والعقل نعمه من الله على مـن ثمنـه
البقا والله يعز القصـر واللـي حمـاه= الكريم بدلتـه والمراحـب وصحنـه
ياحليل اللي مع الناس عالـي مستـواه= مايحـب الميسـره مشيتـه فالميمنـه
ياولدعتقان جو العـرب غيـم سمـاه= والرحى شـيٍ تكبـه وشـيٍ تطحنـه
منهواللي يعرف العلم وجهه من قفاه= وأستحي من لحيته يوم وأضحك له سنه
السماء صافي لكن المشاكـل بالرحـاه=والمشاكل ماهي اليوم يعنـي مزمنـه؟
الشجيع ليا مشى مايبـا يرجـع وراه=والضعيف ليا لقيلـه شجيـعٍ يزبنـه
ياطبيب الجرح منته خبيـرٍ فـي دواه=وأنت في دفترك مليون سيـه وحسنـه
ياجبل ورقان مأهتز منك ولا حصـاه=سير مضمونٍ حسابه وسيـرٍ ندهنـه
أسلمي ماتقبله لو ماشـي فـي سـراه=وشلوي وألا عـلاوه سريـع أتعينـه
البلكه والحجر تختلـف عنـد البنـاه=الحجر صعب الكسـر والبلكـه هينـه
العلاوه قصري اللي جنوبي فـي ذراه=وأنت قصرٍ فيه بابٍ خطيرٍ مضمنـه
خفف السرعه ليا شفت ضلعان السراه=لين تبني لك قصر بالسـراه وتسكنـه
هيه يامصلح تجيك العلوم من الـرواه=والله إنـا مامشينـا بـذل ومسكـنـه
لا توصيني وأنا أبوي معطيني وصاه=ماطلبت الغالـي إلا وأنـا قـد أثمنـه
أدخل المسجد ليا قـال حيـا للصـلاه=وأضبط التوقيت وأحفر لسرك وأدفنـه
لا تعاين فوق وجهك على كـم العبـاه=لا تحنحن صاحبك مايحـب الحنحنـه
ماتركنا فرض ربي ولا حنا عصـاه=خاف ربك وأعرف أسليم والظن أحسنه
ياولد عياد ذيب الفـلا يجـزي عـواه=لا تدندن صاحبـك مايحـب الدندنـه
جابك المقسوم بيـن الرياجيـل الـده=اهوالرياجيل الدواهي قلـوبٍ واللسنـه
ياولد عتقان مـن دور الغالـي لقـاه=كان تملك لك ذهب فالموازين أوزنـه
مالقيت إلا حبيـب ومصلـح ماعـلاه=ىمثلنا منتم سلاطيـن وإبليـس العنـه