شبكة الشدادين - عرض مشاركة واحدة

الملف الشخصي للكاتب · توقيع : النايف

بســـــم اللــــــه الرحمــــــــن الرحيــــــــم

إخواني وأخواتي أعضاء وزائري منتدى الشدادين ...
السلام عليكم ورحمة من الله وبركــاته ..

أقدم لكم في طرحي هذا قصيدة :
الشـــــاعـــر المعروف : محمــــد بن حـــــويل العتيبـــي .

والمهداة للشيـــخ : مطـــلق بن عـــالي بن جبري الشدادي الحارثي.

صاحب مؤسسة المطلق (لتجارة العود)....

ويذكر فيها الشاعر بعض الصفات التي يتميز ويتحلى بها أبناء قبيلة الشـــدادين , من كرم , وشجـــاعة .

إليكـــم هذه القصيدة والتي تجدون في أبياتها بعض الصفات لرجال هذه القبيلة , والتي لم أذكرها , أو أتطرق لها من خلال طرحي هذا....

بنيــت قــافِ مابنــوه اللواعيـــب = قــاف على معناه والوزن وافي
قاف بنيته من هجوس وهنـــاديب =من مصدرآ معروف ماهوب خافي
قاف مع أهل العرف جاله تجاريب =يفخــر به الشاعر على كل قـافي
ناصي به الي يكسب المجد والطيب=واخص مطلق ريف من جاه لافي
مطلق ولد عالي عريب المجاذيب =ياريف من ينصــاه جافيه جـافي
أبو بدر راع الفخــر والمواجيب =رجلآ على كسب النواميس وافي
صنديد جبارآ عطيــب المضاريب =شهم شجاع في اللوازم سنافي
يفتــل لواليب وينقــض لواليــب =واليا ضرب دروب الخطر مايخافي
زوده على الي يفتلون الأشانيب =نجم على كل الكواكــب يشـــافي
نوره غطى نور النجوم المراقيب =يا اصيل ياللي ماغــطاك اللفافي
يابن الرجال اللي ترون المغاليب=مروين علط الرمــــاح الرهافي
بعلط الرما اطوعون الأصاعيب =ليا خف ميزان القلوب الخفافي
وأن لقموا قحص المهار الكلاليب =وحـل الطـراد ويبسـن الأشافي
يردون حوض الموت لو كان قدهيب=حوض المنـايـا لين كلآ يعــافي
يـاما رموا بالشلف للطير والذيب =من فارس في المعركة مايخافي
آلاد شـــــداد الرمــــاه المعاطيــب =مركــاضهم تشبع عليه الهجـافي
أهل المكارم في السنين الشلاهيب =ليا ركبت غبر السنين العجافي

,،,،,،,،,،,،,،, وســــــــــــــــلامتكــــــــــــــــم,،,،,،,،,، ,،,،

هذا وتقبلوا فائق احترامي وتقديري ...
أخــــوكم : نايف بن جبـــري ....