مليت من حبك
بسم الله الرحمن الرحيم
اعضاء ومشرفين منتدانا الغالي
هذه قصيده عتابيه جديده
اتمنا ان تنال اعجابكم
يابنت ماني على حبك بمجبور=لكن روحي عسى الله لايردك
من كثر ماعشقك صار القلب مقهور=واقهر زياده بعد ماشفت صدك
صحيح رحتي وصار القلب مكسور=واليوم يابنت مابغي غير بعدك
ظليت احبك وحبك باني قصور=لكن باهد قصرك ثم اهدك
عطيتك اللي تبينه بس معذور=ماكنت اظنك يابنت ايبيح سدك
لقيت هرجك نفاق وكذب مع زور=وجرحتي القلب يابنيه بيدك
قولي تجنن او انه صار مغرور=لكن ماهمني قولك وردك
باعيش دنياي مستانس ومسرور=واوقفك يالبنيه عند حدك
والحب يابنت ماهو علم او شور=الحب مثل الحياه اللي تشدك
الحب يبغى وفاء واخلاص واشعور=ومعزهٍ من ضمير اللي يودك
روحي بدربك وانا في دربي النور=لابوك ياالحب ولابو جد جدك
وسلامتكم
اخوكم الغربي
توقيع : عيد الشدادي |
بيتي مشيد في قيا للمناعير=وانا على بابه وارحب واهلي..
افخر بمقدوم الوجيه المسافير=مادام قدري فالزمان امتعلي..
.
.
. . .
.
الفقد ..ماهو فقد من غاب يومين=الفقد والله فقد شخصٍ توفى
فارق وخلى من يحبه من سنين=ياموت هد شوي طالبك تكفى
.
.
عيد الشدادي
|
التعديل الأخير تم بواسطة عيد الشدادي ; 11 Nov 2007 الساعة 12:41 AM
|