الرحال
ســـلام والمـعـنـى بـحــر يـاعـيـد والـدنـيـا تــــدور=غوص البحر وأخذ الـدرر ياصاحبـي وأجنيبهـا
وش حيلة اللي بلش في عد الليالي والشهور=لــه حـاجـةٍ صعـبـت علـيـه وصـاحـبـه يدريـبـهـا
الغربي
يـامـرحـبـا يـاشـاعــرٍ شــــرف وزاد الــنـــور نـــــور=عــداد مــن يصـخـر بـيـوت الشـعـر ويـغـنـي بـهــا
ذوق العسل ياصاحبي واسبح وسط كل البحور=والحـاجـه الـلـي خـاطـرك فيـهـا لـكــم نـلـفـي بـهــا
الرحال
دام البـقـاء يــا الـلـي تـرحـب وأنــت وافــي مـاتـبـور=عــــداد مــــن وجــــه لـمـكــة قــصــده يـصـلــي بــهـــا
ذقت العسل وأهل العسل تدري عن اللي فالصدور=لــكـــن مــابـــه فـرصــتــن تـعــطــي ولاتــهـــدي بــهـــا
الغربي
اصبر وركد خطوتك قبل المشاعـر لاتثـور=وتدهـورك فـي ليلـةٍ محـدٍ قــدر يـسـري بـهـا
اصبر ليا عيد الفطر وتجيك باقات الزهور=وتطيـر مـن زود الفـرح واحلامـك تهذريبهـا
الرحال
كملي وأنا صابر يابن عمي وأنا طبعي صبور=بــس اللـيـال المقبـلـه مــن عــاد يـامـن غيـبـهـا
عيـد الفطـر ياعيـد ريــض والليـالـي فــي دبــور=عـصـفـور فـــي يـــدي ولا عـشــره ولـــو وديـبـهـا
الغربي
ياكثر مانجبر بهـا الدنيـا يابـو ضـاوي كسـور=وانـتــه تـبـاطـى مـوعــدٍ بــــه ســاعــةٍ ياطـيـبـهـا
الصقر يشهر فالنوايف وانت حر من الصقور=اشـهـر تــرى ســود الليـالـي عـاويـاً لــك ذيـبـهـا
الرحال
الـجــرح فـــي قـلـبـي وقـلـبـي ماتـفـيـد أبــــه الـجـبــور=وأنـتــه جـــروح الـقـلـب تـعــرف وش دواء تطبيـبـهـا
من روس قوم ولا حسبت أحساب صكات الدهور=والله يـــعـــجـــل ســــاعـــــة الـــفـــرحــــه ولايـبـطــيــبــهــا
الغربي
الجـرح نلقـى لـه دواء قــدام دمــه لايـفـور=والجادل الطرقا على شوفتك شقت جيبها
ياصاحبي والنعم فيك ولا يهمك كل جور=لعيونك ادعس كل شكـات الليـال وريبهـا
الرحال
ياراعي القدر المغطاء لاتشيل أغطاء القدور=خــل الـقـدور مقفـلـه ياصـاحـبـي بـالـلـي بـهــا
اللي يحصد الزرع ماهـو مثـل غـراس البـذور=وأنــا أدري إنــك كــل حـاجــه طـيـبـه تحريـبـهـا
الغربي
القـدر يغلـي والعـلـوم مرستـكـه والعـلـم نــور=والنـاس مـاتـدر عــن الـلـي حطـتـك بقليبـهـا
اخاف لا جاك الذهب تترك طويلين الشبور=والسـلـعـه الـلــي زايـــدٍ مـقـدارهـا تـقـفـي بـهــا
|