قلبي مع الاحزان فالوقت موعود=والحزن بيتٍ يمنا فك بابه
شفت الشقاء والضيم وايامه السود=محدٍ نجى من محتواه وعذابه
واليوم سيف الموت جاهز ومجرود=ياخذ رجالٍ الطيب واهل الذرابه
مرحوم ياللي فاول الشهر مفقود=مرحوم يارجل الوفاء والمهابه
عسى مقرك جنة الخلد ياسعود=انا اشهد ان الوقت بعدك كابه
نبكي عليك وحزننا ماله حدود=ودموعنا تشبه لرش السحابه
ياسعود اهل الدمع والعالم رقود=كني جريح ٍ رمح خصمه سطابه
ياسعود دمع العين من زود في زود=دمعٍ على الخدين زاد انسكابه
يبكي عليك الورع والرجل والعود=وكلٍ بعد فرقاك شقق ثيابه
ياسعود لو الموت ينرد بنقود=لنرجعه بالمال ولا الطلابه
لكن قدر ربي ولا للفعل فود=جعل الدعاوي كلها مستجابه
يارب ترحم راعي الطيب والجود=وتسكنه دار النبي والصحابه
يارب تغفر كل الاعمال لسعود=ياربي بيمناه ياخذ كتابه
طالبك ياللي للمخاليق معبود=طالبك عوض صاحبي في شبابه
وصلاة ربي عد ماهبت النود=وعداد ماسار القلم بالكتابه
على النبي صلوا وزيدوا بعد زود=والوقت قاسي والليالي غرابه