الله من دمعا على الخد فوحه=وعينا"تهل اعبارها وفضحتنا
يوم القضاء والقدر جتنا سروحه=من البيوت العامره سرحتنا
رحنا ندور ساعة من فروحه=بالعكس ساعات الغضب صادفتنا
ناح الحمام وشيب العين نوحه=صاح الصياح من العرب والتفتنا
بحر الخليج اللي تلامع سطوحه=جينا على الشاطي والامواج جتنا
جانا الشهيد اللي فدانا بروحه=الله يرحم روحه اللي فدتنا
روح البطل ماهي علينا شحوحه=يوم الله انقذنا صحيح انقذتنا
جمهور عبدالله كشفنا طموحه=فزع يومأ" ان الليالي حدتنا
يوم الردي واللاش تقصر شبوحه=الرجل حول واليدين اجذبتنا
امجار ياحيا" تجدد جروحه=وجعة هله والله صحيح اوجعتنا
ترى الشلاوى يطلبون السموحه=ياغامد الايام ماطاوعتنا
صكات بقعا كل سدا تبوحه=ومن كثر ماتلعب بنا شيبتنا
بابا" تسايف به وباب تلوحه= ومن المراره والحلا جرعتنا