‏الله هو إلي صورك ذالجلا لي =شكواي إله. لاخطيت دائم واذاصبت
قمت اتوجد في عشيرً طرالي =شخص جرحني في غيابه ولاطبت
وجدي عليها عد حرف طرالي =وإعداد حرف غاب وإعداد ماجبت
ووجد السجين اللي عليه اليالي=طالت وطال احسابها يوم حسبت
من جمعه لجمعه وهو لايزالي =خايف من اللي مابعدها ولا سبت
مسجون ظلم وتهمته ماتقالي =في خاطره مكبوتتً كلها كبت
او وجد عود مايجيله عيالي=اليا انشدوه الناس ويش انت عقبت
عود كريم من زحول الرجالي =ياليت مثله في ارضنا ينبت نبت
فوق الكرم والطيب صدره شمالي=يفرح الى جيته ويفقدك لاغبت
ودام التوجد فاتح له مجالي =اما بشرق فيه ولاتغربت
لاكن خوفي لايطول الجدالي =من كثر مابعدت فيها وقربت
وازكا التحايا للكرام السبالي =لايحسبوني من كرمهم تهربت
اشيل حمل ماتشيله جبالي=والحمد لله لصعيبه تدربت
مايرتخي راسً ربا بالطوالي =عريب جد وخال لامن تعربت
مايبرك لحملي يكود الجمالي=من كثر ماسيجت فيها وجربت
واليا نصتلي من يحل الحبالي =ماهمني لو غيره يقول خرفت