صاد قناص الجوازي طرف جـازي =قبل قناص الجـوازي يمـد شوفـه
مادريـت الاوهـو بالقـلـب وازي =غفلة ماهـي علـى قلبـي حسوفـه
ماأحسب ان الرمش غادر وانتهازي =ليـن وردنـي مضاميـه وحتوفـه
قلت: ياعذب المها ثقـل المـرازي =يابعـد مـن داعبـت كفـي كفوفـه
لاتعزوينـي وانـا مانـي بـعـازي =ريض المسيـار لـو فيهـا كلوفـه
قال (يابويه ) وهو ماهـو حجـازي =قلت : وابويـاه مـن قلـب تلوفـه
قلبـي اللـي ماتطيـح إلا متـوازي =جوضتك بين السراجيـف مخلوفـه
جوض وأرعد وانكسر كسر القزازي =الغـلا ماينقـص الرجـال نـوفـه
بس لاتجـرح وقـاري واعتـزازي =من بغـى فرقـاي عينـي لاتشوفـه