شبكة الشدادين - عرض مشاركة واحدة

07 May 2007, 11:01 PM

أولاً أعذرني يابن العم على تأخر الرد
وبيض الله وجهك على هذا الموضوع اللي ينومس
ونعم بأبو حسين ولا هي غريبة عليه الفعايل الطيبة
وأهله قدمه الاد مهرس أمراء وفرسان
وتسلسلوا الأمارة والفعول الطيبة بداية من أبناء مهرس الأمير باتل ابن مهرس والأمير سحمان ابن مهرس والأمير مسيّب ابن مهرس وتسلسلوها نسلهم من بعدهم وصولاً للشيخ علي بن محماس والقصص والقصائد خير شاهد على ذلك
فلا نستغرب هذا على أبو حسين
والشاعر يقول:

الاد مهرس محتمين الونيه = سموا الشيوخ اللي يذرّي ذراها
أهل السلوم الطيبه والحميه = وبيوتهم للضيف يرفع بناها

وأحب أن أضيف أن أمارة المهارسه من أقدم وأشهر أمارات قبيلة بني الحارث ومعروف بارق ابن مهرس
وأعتقد أن من لم يسمع بأمارة المهارسه هذا جاهل كما قال الشاعر:

حنا الشلاوى يوم عاسف وعسّاف = نرذي الحرار اللي دقاق ٍ رقابه
في راي ابن مهرس وللعلم نكّاف = ينشد شبابه جاهل ٍ ما درابه

ولا يرفع الراس ألا متونه وأن كان ابن مهرس راس فالشدادين هم متونه اللي ترفعه ولا أقول غير

أقولها كل الشدادين فرّاس = ولا فيهم اللي باردات ٍ عزومه

هذا ما حبيت أضيفه يابن العم ومن كان لدية أي سؤال أو أستفسار كما ذكرت في موضوعك أن الكثير يتسأل فحياه الله
وإن شاء الله ما نقصر معه