|
قصيدة موجهة للشاعر نجر الحارثي ورده عليها
السلام عليكم ورحمة الله وبركاته
كل عام وانتم بخير ومن العايدين
نقدم لكم ابيات الشاعر ذيب بن مسحل العتيبي موجهه الى الشاعر نجر الحارثي ورده عليها
.
.
.
البارحه اهجوسي تثير البراكين
وبعد عن التهميش والعنصريه
وحرك هواجيسي قصيد الميامين
أهل الوفاء والطيب في كل هيه
نجر ولد عياد ذخر الشدادين
عزوة بن الحارث ونعم الحميه
ذولي شبابه ملحقين المخلين
يوم الجهل وقفاتهم صيرميه
والجار مايشكي من الهم والشين
وانا أشهد أن الطيب فيهم سجيه
وانا من عتيبه سعوط المجانين
الضيف يلقى الحيل والشاذليه
والاالعدو كم ذاق منا الأمرين
يشهد لنا التاريخ في كل هيه
دخيلنا دايم على الراس والعين
وحنا هل الطالات والنار حيه
ذيب بن مسحل العتيبي
@@@@@@@@@@@@
رد الشاعر نجر الحارثي
يامرحبا حييت وارحب ملايين
و حي البيوت النادرات الوفيه
ماهي غريبه ياحفيد الوفيين
ترضخ لك اجزال البيوت العصيه
مايختلف ياذيب في شعرك اثنين
ولا نته بمجهول النسب والهويه
ربعك هل الطالات والناس دارين
يشهد على ماقول رب البريه
عتيبه الهيلا ثبت بالبراهين
تاريخ حافل بالفعول القويه
برقا وروق منزحين المعادين
لين اثبتوا في وسط نجد العذيه
يقوله اللي يفتخر. بالشدادين
ماعاش راس اللي نوانا بنيه
حنابن الحارث على الخصم قاسين
كم واحدٍ منا جراله عشيه
نجرالحارثي
| توقيع : عبدالله نجر | | سبحانك اللهم وبحمدك |
|