لو لاي والله يوم أعد المراقيب = في راس مزموم(ن) زمى فوق لابه
اليا رقت روس مشمرخات الشخاريب = تغيض عن الصدر الزعول ألتهابه
أسري مساري الجن ونكافت الذيب = أنا ومطفوق الجنون أنتشابه
ودي لحقت مكسرات المصاليب = بندق وخرج وكورهنه زهابه
عراض الفقار مشيبات المحاقيب = فج العضود وناحلات(ن)رقابه
حمر(ن) عيونهن كن يتطاير مشاهيب= في روسهن كن الاذاني حرابه
على فخوذهن ووسومهن المشاعيب = تلعب على مدهالهن الذيابه
مع درب أبن مهرس مروي المغاليب = كم منهل(ن) خطراً وطن في جنابه
عليهن الي يتبعون المناجيب = عيال(ن) ليا زارت خطر ماتهابه
جتهم عن الابل بعلوم المناديب = وتلموا مصكوكتن مع شبابه
وتلطموا بضهورهن عن اللواهيب = مع جرهدين يوم يزهي سرابه
كلً يقول الرزق من عالم الغيب = الي ليامن راد للرزق جابه
هذاك وقت الطيب ياعارف الطيب = موهوب طيب اليوم بعض العصابه
الي تروج فالمجالس أكاذيب = وكل منهم كن صدره ربابه
ودايم يعض وعضته فالعراقيب = ولايعرف الي نازحن من القرابه
ضعاف النفوس مكدرين المشاريب = وكل منهم لوبخصته زلابه