مرحبا ترحيبة من كثرها ما احصي عدده=بالضيوف الي لفت في دعوتي عزن وطيبه
قالها ابن حمود شيخن ماتغيب عن وعده=يكرم الضيفان والجيران له مده عجيبه
شيخنا اللي بالعطايا مزنة يرجف رعدها=سيلها غطا البراح وسيلها غطا شعيبه
بالحرام انه كريم وبالكرم يغني بلدها=باليمين الي صخيه للنفوس الي رحيبه
من بعدها بمدح الي بالكرم ماخذ سندها=الرفيق الي نهار الضيق دايم نعتزيبه
القبيله لا حدها الوقت هدا اول مددها=لا نصيته ماتعذر كل مطلوبك تجيبه
الرخامه والبخاله يالنشاما قد فقدها=ييذل المعروف بين الناس والمولى رقيبه
مايسوس مثل من دنياه في الخزنه رصدها=ماتفرق لين يوضع من على راسه نصيبه
وكل كلمه فيك يافريحان غيري من شهدها=وطايل الامجاد لابن هميل هذا من نصيبه
وابن عالي ما نسيته سابقه دايم جهدها=دون ربعه ما تعذر ماتعذر بالمغيبه
ينطح العدوان ماحسب ويفرح لا وجدها =نشد التاريخ والميقاف في راس الزريبه
بعدها بمجد الي سيرته سيرت سعدها=جاب شين من ديار الصين بفكر وغصيبه
وذاه دكتور القيبيله حاسبينه من عمدها=فارس الفرسان زيزوم البسيطه والصعيبه
مع رجال العلم برهن موقفه يشبه لسدها=له طموحن في البعيده له طموحن في القريبه
واختم بذكر اللي تثبت قريش انه من ولدها=الرسول المصطفى اللي سيرته دايم عظيمه