سؤال: هل قد مرتن من المراير كنت بحاجةٍ ماسه الى الوورد أو أحد اشقائه
لكنك توك مفرمت جهازك ويبيلك لييييلٍ طويل فيما تحمل وتثبت وتزين شغلك ؟

سؤال: هل قد مره بعد كنت برا البيت ومحتاج لأحد ملفاتك الأوفسيه لكنها في جهازك اللي في البيت ؟

سؤال: هل انت من مستخدمين نظام لينوكس والا ماك وودك تستخدم برامج الأوفيس ..؟!






الوكاد . . قامت مايكروسوفت رعاها الله بحل هذه الأسئله اللي فوق
وذلك عن طريق إطلاق خدمه جديده وجميييله
تُمكنك هالخدمه من إستخدام [Word - PowerPoint - Excel - OneNote] على الإنترنت
حتى لو ماكان عندك برامج الأوفيس على جهازك
يعني يمديك هلحين تكتب مستندات وتحفظها على حسابك في النت


الخدمه أسمها Office Web Apps
أو [ أوفيس السحابيه ]


س: وراهم سموها السحابيه ..!
جـ : يقولك لأن السحاب ضمير عائد على الإنترنت بمعنى ان جميع أعمالك تنحفظ
في السحابة (الإنترنت) بحيث تقدر توصل لها من أي مكان مثل البريد الإلكتروني يعتبر من التطبيقات السحابيه الشهيره







اللي يبي يجرب الخدمه يسمي ويدخل من هنا



راح يطلع لك مثل اللي بالصورهـ ، إختار البرنامج اللي تبيه







أنا اخترت مثلاً الوورد ، بعدها طلعت لي نافذه وكتبت عنوان الملف همين حفظ








آخر حاجه انفتح لي الملف ، وجلست اشخبط فيه







تبي تحفظه ؟
ماعليك الا الرعص ع الفلوبي الاعلى بجهة اليمين
أو File وراح تطلع لك عدة خيارات . .
(طبعاً راح تنحفظ على الـ Skydrive الموجود بحسابك ع الهوتميل)

طريقه ثانيه للدخول على الخدمه
وذلك من خلال الدخول على حسابك في الهوتميل بعدين تروح لـ
More -> Skydrive -> New
بعدين تختار أحد البرامج ( Word - PowerPoint - Excel - OneNote )
وأبدأ شغلك . .


الخطوه حلوه من مايكروسوفت وأتوقع بتصير افضل من جوجل دوك
فهي لها السبق بالبرامج المكتبيه وهذا تخصصها

هذا وصلى الله على نبينا محمد وعلى آله وصحبه آجمعين
وسامحونا اذا فيه قصور والا أخطاء