يا سيدي : للشاعر حامد بن شداد الحارثي
يــالله يـا منـشـي صدوق الخيالي=تـسقي الديـار اللي تيـبـس حيـاهـا
طال الصحو والامر بيدين والــي=سبـحـانـه اللـي يـوم تـجدب سقاها
يــالله يا مـرسـي طـوال الجبــالي=أرسيــتهـــا حــتـى تعــــزز ثــراهـا
اليــوم فـي فـرحه ومشتـاق بالي= شـوق الضوامي يوم تعطش لماها
الشــوق للــي جا عزيزا وغـالـي= مـثـل الـثـريـا يـوم يـمـطـر سمـاها
هـلّ الهـلال وبـــان نـوره يـلالـي=كــل الـديـار تـقـول نـوره غشـاهـا
هــلالنا واضـح وهو راس مالـي=مـليـكنا الـغـالـي وحـامـي حـمـاهـا
هو تاج راسي هو لراسي ظلالي =هــو خــادم الـبـيـتـين شـيـد بـنـاها
نــعــم اللـقـب مـاهوخفيفا يشالي=الـسـعـر غـالــي قـال دمـه فــداهــا
تــحــيا وتـبقـى يا عزيز الرجالي= شـعـبـك يـحـبـك مـنـوتـه والـتقـاها
وافي يا بو متعب من اول وتالي=والله وافـــي مـكـتـمـل فـي وفـاهـا
الله معـك حـنـا معـك مــا نـبـالـي =عــيــن الـعـدا تـعـمى وحـنا عماها
يـا سيـدي والله مــالـك مـثـالـــي=نـفـسٍ عـزيـزه رافـعـا مـسـتواها
طــيـبك تعلا القطب ذاك الشمالي=وزاد عـالـمـريــخ واللـي وراهــــا
عـــززت مـجـدا ثـابـتا مـايـهـالي= ســاســه مـتـيـن وحكمة ما كماها
مـحـبـتـك مـا تـنـشـرا بـالـريـالي=الله منـــزلــهــا لـقـلـب هـــواهــــا
إشــهـــد عـليـه يا عزيز الجلالي=أبـو ولـه نـفـسـا عـلـيـنـا رضـاها
نــقـولهـا مـاهــي كـذب واحتيالي =والا نـدور مـن وراهـا جــزاهــــا
ودي ســلامـــي يا نسيـم العوالي=معا طلوع الشمس وضحا ضحاها
يــاصـل لـبـو خـالد كريم السبالي = سـلـطان يا سـعـد القـلوب وغناها
عــز الله انـك كـامــلا بـالـكـمـالي =جـزل العـطـيه محترف في سخاها
السـاعد الايـمـن سـما للـمـعـالـي =الـقـوس بـيـد الـفـارس اللي براها
الجـيش بـيـده وقـت شد الحـبالي =شـال الـمـهـمـه مـا تـراجـع قـفاها
نعـمين يا هـذي النمـور الشوالي= لـطـامة العـايـل وفـخــري عـداهــا
أخـتـم كـلامي أولـــه والـتـوالـي = صـلوا عـلى أحمد حل طيبه وجاها
ان شاء الله تحوز على رضاكم
التعديل الأخير تم بواسطة الشعابي ; 14 Feb 2007 الساعة 10:19 PM
|