السلام عليكم ورحمة الله وبركاته
اخواني اعضاء وزوار منتدى الشدادين الموقر اضع هذه القصيده المتواضعه بين ايديكم بعد طول الغياب وهي اطول من ذلك ولكن اختصرتها لكم وعسى ان تنال اعجابكم ومناسبتها واضحه
بسم الله
لا ياسعـد بالهـون والوضـع مخبـور = وانـا اشهـد ان الضعـف مابـه نعـاره
ياصاحبـي لاتخلـف الـظـن والـشـور = واعرف ترى بعض السوالف خساره
لا ماتعلمـنـا عـلـى الـكـذب والـــزور = والا نشـيـنـا فـــي بـيــوت الـدعــاره
خـل المعـانـي بعضـهـا دوم مسـتـور = لاتنـقـلـب ضـــدك بـفـتـح الـسـتــاره
وانته اتعرف الثور لاغبر الثور = غطى عيونه مع اقرونه غباره
ودوك استلم مني كلامي على الفـور = وكلـن ابميقافـه تــرى ايـشـب نــاره
مانـي علـى تبـع السفاهـات مجـبـور = ومانيب مـن عينـه علـى بنـت جـاره
ولا قامـت الدنيـا علـى شــان مـنـور = ولاقامـت الدنيـا عـلـى شــان ســاره
خل الظلايم وامـش مـع سكـة النـور = لاتعـتـرض قـــدم الريـاجـيـل شـــاره
جـاك الـكـلام اللي بغيـنـاه بسـطـور = وان كـان تبغـى زود نعطـيـك غــاره
انـا عريـب جــدود مانـيـب طـرطـور = والطيب فـي ربعـي مهـوب استعـاره
شف جملة الابيـات والكسـر مجبـور = مـن هاجسـن يصـلاه مـثـل الـحـراره
وسلامتكم