قصيدة رائعة للشاعر مصلح بن عياد الشلوي ...
ياتل قلبي من صميم الحشا تل=تل الغروب اللي من البير مليا
ليت القلوب أم المودة تبدل=والله لدور غير قلبي بدليا
أعدلك يا قلبٍ عوج ما تعدل=تجهل ونا مالي ومال الجهليا
بينك وبين اللي تحبه حجر جل=يا بعد أهل خلي ويا بعد أهليا
أتلى العهد به يوم هل العيد هل=على هدب عينٍ يهول الهوليا
يحسني بالهرج وتاتجيهل=وضحك وصدري ممتلي بالزعليا
حب الحبيب عندي الكل فالكل=مالوم أبو زيد الهلالي وعليا
يعوضني في مجلس الفرش والزل=رجمٍ غشاه من الثريا همليا
ليا بديت مرتقبٍ قمت أخيل=رجمٍ وراه ارجوم ورضٍ سهليا
يا سيدي اللي دونه الهول الاهول=ورضٍ بها نزال ورض همليا
أتلا العهد به يوم عيد الفطر زل=واليوم عيد الفطر الاخر وصليا
وتقبلوا فائق احترامي ,,,