عرض مشاركة واحدة
  [ 1 ]
قديم 20 Jun 2008, 06:20 AM

شبل عتيبه غير متصل

تاريخ التسجيل : Jun 2008
رقم العضوية : 8639
الإقامة :
الهواية :
المشاركات : 5
معدل التقييم : 25
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
بالدلائل انتصار الجعده في كون قاصا..




معركة قاصا
قبيلة الجعدة قبيلة محاربه ولهم وقعات كثيرة مع قبيلة بني الحارث المعروفة حيث انهم درع عتيبة من جهة بني الحارث ومن اشهر وقعاتهم قاصا وصباح عن ونفر وغيرها
وقبيلة بني الحارث قبيلة كبيرة وعريقة ومن بطونهم الشلاوى وبنيوس(الشدادين والعضاوين وغيرهم)
لمعركة قاصا اسباب كثيرة ومن اشهرها قتل العضاوين من بني الحارث لأحد شجعان الجعدة من خامس الهضاب وهو نازل في ديارهم حيث ضيف اثنين من بني الحارث وعشاهم وبعدها صبحوه وذبحوه واخذوا حلالة
فأرسل لهم الشاعر رفيع الهضبة قصيدة مسندها على العوايش وهم من شيوخهم يقول فيها:
هيض عليه وانا في روس الأقذال=في راس حيدٍ على حد الحـدودي
سر يا نديبي فوق قطاعة الـلال=طبح قيـا ثـم قبلهـا سنـودي
تلقى العوايش هل القاله والأفعال= للي من اول عريبيـن الجـدودي
واليوم ما فالهم للمستحـي فـال=من يوم جاهم عويض بالفيـودي
يا فضحهم فالقبايل كـل مضـوال=مابه غلامٍ جلى ثـوب الهنـودي
يا صايل انته تفكر في هذا الحـال=ابين من الشمس ما تبغى شهودي
وبعد هذه الحادثه اجتمع امير الجعدة الشيخ عنيبر رحمه الله وشيوخ الخوامس وقرروا غزوا بني الحارث في عقر دارهم وفعلا صبحوهم الجعدة في القاصا وذبحو منهم اكثر من تسعين رجال بعد معركة طاحنة كما يقول الرواه والأكيد ان الجعدة كسبوا خمسين بندق بعد قتل خمسين بواردي واستاقوا حلالهم
وقالت احدى شاعرات بني الحارث يقال انها هيا بنت مبارك الشدادية بعد هذه المعركة:
عقب اللي ما حضر يوم قاصـا والفنـود=ما حضر فعل النشامـا نهـار الهيزعـة
لا تسويله مـن الكيـف فنجـال القنـود=ما درى ان الضيق ساعة وتجلاه السعة
ما تشوف اللا الفتايل كما قـدح الزنـود=وكم صبيٍ ينطح الضد لاقـى مصرعـة
يظهرون اهل الفعايل عريبيـن الجـدود=والردي عنده تجي العشر وزن الاربعـة
يا لطيف الروح شومي عن العفن الشرود=لا تبيـن اللـي يقزيـه حـس القربعـة
وقال الشاعر الكبير عوض الله بن رجا الجعيد رحمه الله:
آلا ياراكـبٍ حـر ٍ عــزوم=أخف من الطيور اللـي تحـوم
ليا أعطى مع شديدات الحزوم=مثل الذيـب قطـاع الرمالـي
يسرح من طرف مكة صـلاه=والركّاب مـا يلحـق قصـاه
وأهل شقصان بالهين مسـاه=آلاد جعيد أهل صبـح الدلالـي
يقوله من بدى رؤس الـرزون=ويغنـي بزينـات الّلـحـون
تشـدي در نابيـة المـتـون=أغني بها وإن هـاض بالـي
هـرج ٍ مثـل در المبهـلات=اللـي ترتعـي زيـن النبـات
حيـث الليـل يمسيهـا تبـات=ما ترعى يقع بيض الرمالـي
ترعى في ذرى قيف ٍ صـلاب=والله ما يعلـق مـن صـواب
ومضريـن دائـم بالتـعـاب=وألهم فعل يوم الحـظ عالـي
ذرى قيفٍ يقاضي كـل ديـن=اللـي فعلهـم دايـم يبـيـن
أهل الكيف والكبـش السميـن=وأهل الضيف في عسر الليالي
يقوله مـن تهيّـض بالـردود=يشدي للعسل من كـل عـود
يشـدي در سمحـات الخـدود=يشـدي در خلفـاتٍ متـالـي
اللي فـي الديـار مشرهـات=من شقصان جايـه صـادرات
مرتعهـا الحـدود مرتـعـات=من خشم العمود اليا الظلالـي
من برقه تغوث اليـا العمـود=مر تعهن مـن يـوم الجـدود
ما أخذوهـا مبيحـة السـدود=الأقصيـن منهـم والموالـي
ترعى في ذرى سمو الجعيـد=اللي لبسهـم صافـي الحديـد
والمخطي عليهـم مـا يزيـد=نثني شاربه لو كـان طالـي
أبن الحارث القيـف العصـاه=اللي ما أحـد يلحـق منتهـاه
ردينـاه عـن طـاري هـواه=وأسقيناه مـن مـرٍ وحالـي
جزينـاه فـي ذبحـة قـيـا=درى عنهـم اللـي مــا درا
فـي قاصـا ذبحناهـم ضحـا=على وضح النقى الأبيض يلالي
أخذنـا الـلـوازم باليـديـن=مـن الأجنبـي والأقربـيـن
وقضينـا مـن الدّيـان ديـن=أن هبت صبا وأن جت عوالي
والله و القبـائـل خابـريـن=جزيناه فـي طـول المهالـي
كلام جعيد ما جـاه القصـور=ولامنه هـرج مـا قـال زور
ولامن قال أله قـول مخبـور=ينقـد جابتـه نقـد الريالـي
وسلامتكم......................