يالله ياللــي تستر الحي والميت = انك تسامـــح صاحبٍ مابعـد عــاد
ماجتني الدنيـا علــى ما تمنيت = واللي رحـل ماضنتي يوم ينعاد
ذكــرى قديمه عشتها يوم انا جيت = ذاك المكان اللـي شهد حب الاوغاد
مايفضح العشاق كــود المواقيت = اللي تجــي صــدفه على غير ميعاد
قفت بك الدنيا وانا غصـب قفيت = وبفـني حياتي كلها عنك نشاد
عـزالله انك مخـطــيٍ يــوم شديت = عشت الليالــي كلها هم وجهاد
علـى عظيم الحب عشت وتربيت = اطـفـال كـنا نقتسم لقمة الزاد
اقضــي سنين الوجـد هــم وتناهيت = تنهيتة اللي طـاح من عقب الامجاد
جيت المكان وفـاض دمعــي وصديت = مثل اليتيم اللـي فقد حضن الاجواد
واللــي حــداني ياهلــي يــوم مـريت = اونست فـي جــوفـي مشاهيب الاوتاد
هــذي حكاية قصتي يــوم انا اوحـيت = احـفـاد تنقل قصتي عـبـر الاحـفـاد