طرى لي الهاجوس مع تالي الليل=وانا على مركاي جالس الحالي
في ليلةٍ ما حولي الا المعاميل=اسامر الهاجوس فيما طرى لي
اخذ من القيفان واحط واشيل=ادور اللي ترتقي للعلالي
كله على شان الرجال المشاكيل=اللي لهم فالصدر تقدير عالي
بالحارث اللي من زحول الرياجيل=اهل المواقف من قديمٍ وتالي
جمرة عرب وقفاتهم تعدل الميل=بالطيب والمعروف مضرب مثالي
واذكر شدادين الوفا والمصاقيل=اللي لهم وقفات في كل حالي
اهل الوفا والطيب جيلٍ بعد جيل=وكيفٍ يسوقونه بصفر الدلالي
والمنتدى اللي شاقني بالنظر حيل=يديره السلطان نسل الرجالي
رقى به السلطان للجدي وسهيل=صميدعٍ بالفعل قد الثقالي
سلام مني عد وبل المخاييل=وعد البروق اللي بعرض الخيالي
تسليمةٍ تنساق سوق الفناجيل=على الرجال الطيبين الغوالي
قلته وانا من لابةٍ توفي الكيل=اليا ارتكوا للخصم شد الرحالي
من روس قومٍ فالمواقف حلاحيل=سمو النفاعي محتمين التوالي
من عزوة الهيلا شيوخ ودواليل=هيلاً مواقفهم تهد الجبالي
واختامها عداد ما يدرج السيل=صلوا على مرسول رب الجلالي