13 Nov 2009, 04:14 AM
|
[ 10 ]
|
عضوة متميزة
تاريخ التسجيل : Mar 2008 |
رقم العضوية : 6083 |
الإقامة : saudi arabia |
مواضيع : 313 |
الردود : 1804 |
مجموع المشاركات : 2,117 |
معدل التقييم : 25 |
|
فمـان الله سافـر للنصيـب وديـرة المقسـوم=فمـان الله سافـر للحنيـن وحلـل أشـواقـي
فمان دموع عينـي والغـرام وحبـك المرسـوم=مثل نقش الحجر في وسط قلبي لـه أثـر باقـي
فمان الله فاتت شرهـة الخافـق ووقـت اللـوم=لك الله ما بقت غير الدمـوع تباغـت أحداقـي
ولا باقي سوى جسماً نحيـل وناظـراً محـروم=يراقب شمساً أقفت من سماي وشالـت اشفاقـي
زمن عدى على ذاك الفراق اللي تقـول اليـوم=وأنا أرشف من يمين الجرح نزفي وأشكر الساقي
نبت للحلم ريش وقلت أهده فـي سمـاك يحـوم=ولكن خانت فجـوج الوسـاع وضاقـت آفاقـي
رحلت وكل حرف ما لبس من هالكـلام هـدوم=تذكر يـوم أصافـح غيبتـك وأمـد خفاقـي ؟
أنا للحين مدري هـو أنـا الظالـم أو المظلـوم=أنا مدري وإذا تـدري تعـال وفتـش أعماقـي
أعرف إني سقيت الليل دمع ولاظهر بـه نـوم=عقب ما مرني فصل السهـاد وحتـت أوراقـي
فراق مر في حدب المحانـي تقـل خِيـذة قـوم=ضحى مني نهبـك بغفلتـي واستسهـل وثاقـي
يقولون العـرب أن الأوادم مـا عليهـا وسـوم=وأنا لو أدري أنك من نصيبي ما أنكسر ساقـي
يمر الشعر في درب الجديد ولا يجيـب علـوم=بقى عندي كلام مـن رحلـت يـدور اعتاقـي
فمـان الله وجـه للغيـاب وخلنـي مـوهـوم=ابعصـر الحنيـن بغيبتـك وأعتـق اشـواقـي
|
|
|
|