بنت الرجال تشوم عن درب الأنـذال=وتبعـد جنابـه عـن دروب الرديـه
ماهي فـي درب العشاشيـق تختـال=ولا هو طموحه يـوم تصبـح خويـه
ولا هي بتشرى بشحن هاتف وجـوال=ولا لا ولا تشـرى بعطـر وهـديـه
ولا هي من اللي كل يومٍ لها حـال=وعنده من الاصحـاب عشـره وميـه
اليوم مـع هـذا بـلا شـك وجـدال=وبكـرى مـع هـذاك تعقـد يـديـه
هذاك ترسل له من الحـب مرسـال=وغيـره معاهـا بالمسنجـر سـريـه
تضحـك عليهـم واتغنـج وتحـتـال=وهم يا حرام يجـون بأجـزل عطيـه
أحدٍ تبي منـه أسـوار وسلسـال=وأحدٍ فواتـيـره يـسـدد هـديـه
وأحدٍ لها يحول آلوفٍ من المال=وتضحك وهـي تقـول دينـك عليـه
وش ينفعـه لا قيـل بالأسـم رجـال=والبنت تلعـب فيـه صبـح وعشيـه
أنا اشهد انه لو لبـس بشـت وعقـال=ما جملـه بشتـه بعـيـن اجـوديـه
وش عاد لو هو مالك قصور وآموال=واسمه مسجل شيـخ وسـط الهويـه
الشيخ مـن بيتـه للأجـواد مدهـال=ما هو بشيـخ فلـوس لا رحـم حيـه
وبنت الرجال اللي تعزوى بها رجـال=عينـه علـى الاشبـاه ماهـي شقيـه
ما يشوق بعيونه سوى طيـب الخـال=اللـي يدينـه مـن عطاهـا نـديـه
عينه على الطيـب تناظـر وتختـال=ولـد الرجـال اللـي علومـه غنيـه
ولـو كـان ما يملـك بيدينـه ريـال=ويـده مـن كنـوز الدراهـم خليـه
يكفي أليا من مـر ذكـره بالآمثـال=والكـل قـال : ونعـم ياحـي حـيـه
الماسةٍ ما كل مـن هامهـا طـال=وكـلٍ يبيهـا بـس ما هـي دنيـه
مصيونةٍ عن قول حاسـد وعـذال=ومحشومةٍ عن درب ذم وخطيـة
تخاف من هرجٍ يجي فيه محتـال=حكيه شهد مدسوس فـي سـم حيـه
الطرف يغضي غصب لا شاف رجـال=والعيـن مالـه بالنـظـر مقـدريـه
هي مهرةٍ ما يعسفـه كـود خيـال=ذيبٍ سنافي عز مـن هـو خويـه
حرٍ شلع ما بيـن هامـات وجبـال=له نظـرةٍ تـرث بالاعمـاق كيـه
على النقى يصبح لهـا فِـي وظـلال=قـدام كـل النـاس ماهـي خفـيـه
بوضح النهار بدون ريبـه ولا اقـوال=الصـح واضـح والخطيـه خطـيـه
هذي هي اللي تنشرى بغالـي المـال=ويرخص لها الغالـي وتشـرى يديـه
وهذي تساوي بعزتـه ألـف رجـال=وش عاد لـو هـي بالمسمـى بنيـه
وهذيك ما تبغـى ولـو مهـره ريـال=ولا أحدٍ يبيها كود خبـلٍ دهيـه
سبحان من هو فرق الناس با أشكال=وألوان وأفعالٍ وحسنى وسيه
ومثل ما فيه رخوم بالناس ورجال=أيضا بنات الناس ما هـن سويـه