سلام الله سلام فيه عفويه وشيمة راس=على أهل المنتدى اللي رحبوا بي خير ترحيبه
سلام ٍ مكتسي بلباس والا ما عليه لباس= يوردنا على العد وتنومسنا مشاريبه
هلا يامرحبا ترحيبةٍ تصرف ذهب والماس=تقدم للمسيلي في حلال العز والهيبه
تراحيبٍ مهيب هروج مطفوق وحكي هلاس=نرد الك النقا والطرق من بدعك نغنيبه
عليك النود هبت يا جحا مدري يابو نواس=تحملت الحمل والظاهر انك راح تسري به
كرمت ودمت مالي بالديار الممحلة مجلاس=وانا لي بالثريا منزلٍ دايم نماريبه
علامك قمت تقصر خطوتك يا الراعي العساس=حداك الخوف والا ضلعنا النايف عوا ذيبه
انا اعرف منزلك وادي مثان ويخبرون الناس=ما تاصل للثريا والسما ماظن تحريبيه