05 Jul 2010, 10:51 PM
|
|
شيلة اتجاهلك كلمات وأداء سلمان الميزاني
شيلة اتجاهلك
كلمات وأداء / سلمان بن فيصل الميزاني
اتجاهلك يا طاري البعيد القريب=كن مالي معك قصة غرام وهوى
وين اببعد عن اسمك وين ابقفي واغيب=كل ما قالوا اسمك ذيب صدري عوى
اجحدك واتبرى منك كنك غريب=وناشدي عنك صّدر ضاميٍ ما روى
والا حبك يشيب الرأس ولا يشيب=لو مالله جمع بيني وبينك سوى
مير ماني على حزني قريّب حضيب=كل ما زاد حزني فيك عزمي قوى
كل ظنٍ على شوفك وقربك يخيب=وكل رمعه يلاقفها السهر والنوى
وكل جرحٍ يطيب الا انت جرحك عطيب=مال لجرحك علاج ولا لجرحك دواء
ما بقى غير جرح البعد من ناب ذيب=ما تشاوى لو ان ذياب جرحه شوى
تبدي الشمس ويمر النهار وتغيب=والمساء من ظلامه لين صبحه ضوى
وانت ترعى مفالي خاطري من قريب=تقطف الورد وتصّدر عدود الروى
توقيع : تركي بن عبيد | صدري بعد ما رحت خالي ومهجور................
................ وأسوار صدري يوم قفّيت / طاحت ! |
|