يانفوس الذهب كلك محط الذهب=اجتمع فيك من قيراط لاقصى الجليل
العروبه اصيله في بنات العرب=وماتخيب امل ولا تضيع اصيل
لو بقول ابلغ المطلوب عز الطلب=عارف ان الغلى ماينحدر بالمثيل
ياأصايل بنات القوم بالمرتقب=المعالم أصيله والتطلع وكيل
لاغرابه بذلك والمحك النسب=الاصول الكبيره والخوال الثقيل
ألأصول العريقه ولعت فالخشب=والمعاني عميقه والوضوح الدليل
الشبب مايربي غير بنت الشبب=والبخل مايكبي غير بنت البخيل
جينك اللي نسج مجموع ليف العصب=مذهبا بالذهب ولاتدنى بجيل
لاعدمناك يافال السعد وألأدب=ان عطيناك حقك مابدى بالقليل
شرحك اصعب على الشاعروما يكتسب=والملامح تعرف الحق راسه طويل
خذ من الشاعر المهموم رمز ان كتب=واسمك اللي يكنه مثل برق ومخيل
ماتوارى مذله لاكن اصل السبب=مايشوف الردي واللاش غير العليل!
اعذريني هديه مفعمه عن كثب=بالجمايل وأهلها لاحملت الجميل
والله اني اكون احيان مما وجب=لاذكرت البدايه والنهايه رحيل!
تدركين الخطوب اصلا بدت من خطب=وانتهت بالحروب الهايله والمهيل
يالله اني دخيلك عن ضروب العطب=ولاتحملنا بما لانطيق ونشيل
من حسبها حسابات النوايا حسب=ومن حسبها بكيفه ضل كيفه يميل