شبكة الشدادين - عرض مشاركة واحدة

الملف الشخصي للكاتب · توقيع : فهد سفر

بعد التحيه والسلام ..

‏‫لـوّ الـنـوايـا تـبــيّـن فـي ســيـاق الـكــلام
كـان أكـثـر الـنـاس تحـرمــنـا من أصـواتها
ولو يـنكـشف ما تغطّى في صـدور الآنــام
تـرتــاح ســود الـظـنـون من إثـم نــيّـاتـهـا
يا شـيـن فــرض الـنـظـام اللي بليا نـظـام
والـعـالـم اللي تـعـارض مـع شــعــاراتـهـا
ما تـتـركـون الـتـواضـع يا كـبار الـمــقــام
لو تـتـرك ضـعـاف الأنـفــس كـثر زمّـاتـهـا
لـن الـتـصـــنّـع تـذيــبـه شــدّة الإحــتـدام
وأهـل العـوايـد تـمـوت بـطـيـب عــاداتهـا
البارحه كـنت أشوف وجـيـه كـثر الـظـلام
مــدري ظـــلام الـلـيـالـي من ظــلامــاتـهـا
يوم أصـبح الصبح لا كـنّي عـليّ الحـرام
وحــيـد في وحـشـة الـواقـع وسـكــراتـهـا
كـم صـاحـبٍ كنت أعـدّه فالشـدايد حــزام
قـــدّام بـقــعـا عــلـيّ .. تـشـــنّ غـــاراتـهـا
واليوم لو تنحني قـدمي جيوش الجهام
مـا رفّ جــفــنـي لكـثـرتها وجــمـعـاتـهـا
شـاهـدت في واقــعـي دلايــل الإنـهـــزام
وأيـقـنـت بـ إنّ الـنـهـايـه ذي عــلامـاتهـا
قـامـت تجـرّ الخطاوي بين شـرقٍ وشــام
مــنـارة الـشــمـعـدان .. وبـرتـوكــولاتـهـا
الله يـبـارك لـ الأعــداء كل هافي ذمــام
يمشي على حسب رغـبـتها ومـشـهـاتهـا
وألسن صغار العقول اللي سواة السهام
وأقـلام .. وأعــلام مـدري وين وجـهـاتـهـا
وسـايـل إعــدام .. مـدري قــمّـة الإنـعــدام
اللي نـهــايــاتـهـا .. تـشــبـه بــدايــاتـهـا
مهما تـمـادى الخـطـأ ما يـنـبلغ به مـرام
لو حـال صـدق الآوادم .. دون غـايـاتـهـا
ما جـفّـل الطامع ألاّ قـبـضـة الإعـتـصـام
اللي تـهــدّ الـرواســي قـوّ ضـــربـاتـهـا
ولا يعمي الحق والقوة سوى الإنـقـسـام
وش ضــيّع الأنـدلـس غير إنـقـسـامـاتـهـا
أركـان الأمـة تـهـاوى والأمــانـي حـــطــام
والـناس في غــفـلـة الـدنـيـا وشـهـواتـهـا
وإن كان قلنا على الدنيا وأهلها الـسـلام
يا بعـد درب الـسـلامـه .. عن سـلامـاتـهـا
اللي عـلـيـه الـكـلام .. ولا عـلـيـه الـكـلام
لـومـه على اللي رمـوا نفسه بـظـلـمـاتـها
واللي عـلـيه الـمـلام .. ولا عـلـيه الـمــلام
لا يـدخـل الـشـك في نـفـسـه ويـقــتـاتـهـا
تبا تجـلَّـى الحقايق قـبل مسك الـخــتـام
تقضي حـسـانـاتـهـا .. من دون ســيَّـاتـهـا

فهد سفر