اخواني واخواتي
السلام عليكم ورحمة الله وبركاته
وكل عام وانتم بخير واسف على طويل الغياب
هذه محاوره جرت ليلة امس مع شاعر من اهل الكويت
اسمه عقيل المنيس الشمري ابو جمال في منتديات شبكة مجالس عنزه وهو شايب
سنه تعدا الخمسين
بتاريخ17/9/1426هــ
اليكم المحاوره
ابو جمال المنيس الشمري
يامرحبا في حلة الويـلان والقاسـي يليـن=وانا انتظر من لي ثلاث ايام .. رفرف ياعلم
قالوا حسين الحارثي قلنا وراهـم ياحسيـن=عسى حسين يفسر الاحلام ..رفرف ياعلـم
حسين الحارثي
دام البقا ياللي ترحب في حلال الطيبين =شاعر وماهر قابله ضرغام رفرف ياعلم
هات الخبر يابو جمال وتبشر بردٍ ثمين =لكن قود السالفه بخطام رفرف ياعلم
ابو جمال
انا ادري ان اصحابنا منهم ثمان مهاجريـن=وابو عبيده فارس ٍ مقدام ..رفـرف ياعلـم
لكن حسين الحارثي شاعر ويشعر بالحنيـن=صوب الجنوب وشف بالي شام رفرف يا علم
حسين الحارثي
يابو جمال الله على دعواك هالليله يعيـن=ياخوفي يجيلك ماجا صدام رفـرف ياعلـم
لي عين تنظر للجنوب وللشمال اللد عيـن=يوم انت في دار الصباح اعوام رفرف ياعلم
ابو جمال
ياحبني للشاعر العـراف والقلـب الفطيـن=اللي ليا شاف البضاعه سام ..رفرف يا علم
ما حدته صنعا على المنضاح لاقصى الرافدين=لحدود جده نرفع الاعلام .. رفرف يـا علـم
حسين الحارثي
ياللي تحب الشعر واهل الشعر وتعرف الذهين=الكيل بالميـزان والاجـرام رفـرف ياعلـم
عرعر وتنوره وحايل ديرتك ماضي السنيـن=وجده ومكه منبع الاسـلام رفـرف ياعلـم
ابو جمال
اللي يبيه حسين يالويلان حنا حاضريـن=بالطيب ما دام العرب صيام رفرف ياعلم
وطريف لا ينساه والخطه وغيره عارفين=شمر ووائل دقوا الدمام .. رفرف يا علم
حسين الحارثي
يوم ان بعض الناس جاكم جيتو إللنا مقبلين=واليوم تهرج هرج ماتنلام رفـرف ياعلـم
ان كان فسقانٍ فرد ارض العرب والمسلين=والا تريح يالمنيس ونـام رفـرف ياعلـم
ابو جمال
جونا وجيناكم وصرنا بالهـوا متخاشريـن=الله يخلي دولة الاروام .. رفـرف ياعلـم
ما ودي اخوض السوالف وقصرانا مستحين=وش كثر باطفال العراق ايتام ..رفرف ياعلم
حسين الحارثي
جيتو وقلنا مرحبا وابليس مقهور اللعين=والفضل لله ثم صقرٍ حام رفرف ياعلـم
لاتستحي قول الحقيقه دام به جيمٍ وسين=نفزع لكم وتقولو إنّا اخصام رفرف ياعلم
ابو جمال
ما ننكر المعروف بالمعروف حنـا الاوليـن=استرجع التاريخ بالارقام ..رفـرف ياعلـم
مانتم خصم لكن نقول العشر ربع الاربعيـن=اللي مشوا من عندنا بالخام .. رفرف يا علم
حسين الحارثي
الاوليه تنحسب نقطه والاخـرى نقطتيـن=خط القلم يفرق عن المرسام رفرف ياعلم
ترى الطبيعه ماتزول ولو غدا جبل حنيـن=من شايبٍ قد شاب والا غلام رفرف ياعلم
ابو جمال
اثنين واحـد لكـن الاول هـو الحبـل المتيـن=انشد هل التصوير والافلام.. رفـرف يـا علـم
دام الطبيعه ثابتـه والجـدي حـول الفرقديـن=والشايب ابخص للظروف احكام .. رفرف يا علم
حسين الحارثي
وقفتكم الاولى على بندق وسيف ومجندين=ووقفتنا طيارات وايضا اللغام رفرف ياعلم
ياكبرها ياعبرهـا يالشيـخ ياعبدالمعيـن=مشيتها حفيا على الاقدام رفـرف ياعلـم
ابو جمال
حنـا وياكـم بالمواقـف والنظـر متعادلـيـن=مير البلا من شلة الاجرام .. رفرف يـا علـم
في يوم أُُحد منكم ثلاثـه والخلايـق شاهديـن=استشهدوا بين الصفوف شمام .. رفرف يا علم
حسين الحارثي
يابو جمال انته وانا نعرف فعول السابقيـن=لاتهتم بناسٍ ضعوف اقزام رفـرف ياعلـم
في يوم اُحد مامنكم اللي جا شمال وجاء يمين=لاتستعي وتطوف دون احرام رفرف ياعلـم
ابو جمال
لو ما عليكم زود ياهل الطيب والصيد السمين=ياللابه اللي تربك الحكام.. رفرف يـا علـم
لا تنكر الانصار يوم ان العرب جوا زابنيـن=ومسيلمه لولا فزعنا قام .. رفرف يـا علـم
حسين الحارثي
الشطر الاول يالمنيس ملغم بزيـنٍ وشيـن=والشطر الاخر زور فوق اوهام رفرف ياعلم
ترى اليمامـه ديرتـه ياقربهـا للدولتيـن=رسالتك عيدت مع الاختام رفـرف ياعلـم
ابو جمال المنيس
اليا سمعنا سالفه فيها من العلـم الدفيـن=عنها نصك النافذه بالجام .. رفرف يا علم
حنا سناعيس اليمن بالجد موقفنـا يبيـن=واخذ التحيه والسلام ختام.. رفرف يا علم
حسين الحارثي
يابو جمال انته تحدى والخلايق مدبرين=عقب إنتها الحرب إل تبست إحزام رفرف ياعلم
والنعم فيكم ياسناعيس الوغا في كل حين=مير اركد وخل العباد تنام رفرف ياعلم
ارجو تنسيقها افضل من كذا والف شكر لكم
اخوكم فالله سهيرالليل