شبكة الشدادين - عرض مشاركة واحدة

توقيع : تــرف

ياهلا بمذيعينا المتألقين بندر ولمسات ولاهنتو على المجهود الراقي ..

وحيّا الله ضيفنا أبو نايف وله منا كل الإحترام والتقدير ..

أنا بضيف وبسولف عن وضعي تحملوني شويات

أنا استغرب من قساوة بعض الآباء وحده من صاحباتي كانت معاي على السماعة

ودخل بابا علي وأنا أكلمها بالمطبخ وكان جاي من برى والمطبخ بوجهه دخل يبي

يشرب ماي قالي هلا ببنيتي .... يدلّعني مايناديني باسمي وسلم علي وهي معي على السماعة

قالت هذا من قلت بابا قالت أبوك يدلعك ويحبك يااااا فضحي فضحاه عيب

عندنا البنت من تجي بصف أول متوسط أبوها مايحبها هي تحب راسه

أنتم صلب مو بدو خلاص غسلت يدي من شفتك تمزحين مع أبوك وهو يحب جبهتك........!!!!

استغرب من نظرة بعض الناس

يعني الرسول ماكان يقبّل فاطمة وهو خير البريّه ..

ماكان يرخّم اسمها ..

ليه الأبوّه تعني القسوة والجمود ..

بالعكس البنت بحاجة حنان أبوها وقسوته بوقت واحد أنا بابا على كثر حنيّته

على كثر خوفي منه يعني صحيح أمزح معه وأسولف لـكن أعمل له ألف حساب

لأنه قاسي مره بالغلط ومايسامح بسهوله يجلس يومين مايكلمني لو غلطت حتى

لو على أحد أكبر مني يعاقبني يقولي ترحمين اخوانك اللي أصغر منك وتحترمين

اللي أكبر منك وتنفذين أوامرهم لـكن فيه عيب إنه حسّاس وياخذ بخاطره

يعني لو حتى يناديني وأكون بعيده وماسمعته يزعل حتى لو أحب راسه مايرضى

ويروح ينادي وحده من اخواتي ويخليني أتضايق لأني ماعرف كيف أرضيه ..

يعني بابا شخصيته قويه وشديد مره بتعامله مع العيال بس البنات يرحمهم

حتى عيال عمي يخافون منه بيتهم قدامنا وإذا مر من قدامهم اللي بيده زقاره يرميها

واللي مشغل أغاني يسكرها يعملون له ألف حساب بمجرد مايشطفهم بالشارع ..

يعني بالبيت تعامله معانا يختلف مع تعامله مع الناس ..

أنا ماما تغار من بابا لأني ... بس لاأحد يضحك علي .. أنا أسوي لأبوي شغلات

مالها داعي مممم يعني ما أخليه يقصص أظافيره أنا اللي أقصها مع إنه مو شايب

عادي بين وبين وإذا كان عنده علاج أنا اللي أفتح له العلب وحتى لا صار تعبان

أسوي له خلطات وأدهنه بس مستحيل أقوله يابابا أحبك أو اشتقت لك أو حتى شكراً

وهـ الشيء مايعجبني يعني أبويه أي شيء أسويه له يشكرني ويدعي لي حتى لو كان تافه

أحيان يعطيني أشياء خياليه بقوله مشكور مقدر يعني ماعرف

أفصح لمشاعري قدامه إلا إذا كان مسافر وكلمته أقوله طولتها ماصارت سفره بمعنى

اشتقت لك المهم ماما تقول أنتي تعاملين أبوك أكثر مما تعامليني حتى أظافيره تقصصينها له

وإذا قلت لها طيب عادي حتى أنتي تبيني أقصها قصيتها لك تقولي لا صارت طايحه قصيها

ماني عجوز تقولين بقصها لك لي يدين يعني تغار وتحاسبني وماتبيني أخدمها

وأزيدكم من الشعر بيت أحيان حتى شاربه أحدده له تجيه طلعات يعصّب من الحلاق إذا صار زحمه ويرجع

البيت وإذا شفته زعلان جبت المقص وحركات الحلاقين وطلبته يسمح لي أحدده له يضحك علي

ويعطيني وجه ويخليني أحددها ويشكرني أسبوع ..

هذي إضافتي وسواليفي بموضوعكم ..

أما ..

مشكلتي ياناس الميانه الزايدة مع ماما أنسى إنها أمي صحيح عمري مارفعت صوتي عليها

واللي تبيه أنفذه

حاولت إني أبعد أسلوب المزح معها ماقدرت أحياناً أعلّق عليها إذا غلطت بشي أمسكه عليها مره كنا جالسين وعندنا حريم
ويتكلمون عن سالفة صايره ويقولون لأمي

أنتي تحبين أبو عيالك عشان كذا ماجيتي

عشانه

أمي تستحي مستحيل تقول مشاعرها تقول

العكس بس ماتنحرج قالت لا والله ماهمني

ولاقام ولاقعد ..!!

أنا هنا قلت :

بضحكه أفا يالغالية لاوالله إنها تغليه

وتكابر خفت الحريم يصدقون إن أمي تكرهه

وهي تصرفهم من الحياء قالت كذا يعني دايم

أطيّحها بمطبات واحراجات بدون قصد

هي ماتزعل من مزحي عادي بس أحيان

تاخذ بخاطرها وترضى على طول فــ أخاف

يكون علي ذنب لأني أتعمّد أعاندها لحد ماتتنرفز وبعدها أقول أمزح

ماني قادره أكون رسمية وهي تعاملنا كأنا صديقاتها أحيانا تشكي علينا حركه زعلتها من بابا وأنا أشب النار وكله بمزح يعني ماعرف

أكون جاده معها..

وياجعل عيني ماتبكيك ياأغلى من في الوجود

ومايحرمني من بابا الغالي ..

ومشكورين يابندر ويالمسات