يالله يالمطلـوب يـا قايـد الرجـاء=ياللـي لعسـرات العقـد حــلاّل
يا محيـي الـدار المحـول السنيـه=ومرسل علاها مـن عطـاك خيـال
وتصبح بها الريضان خضرا ومزهرة=وفيهـا أم سالـم تلعـب الـمـوال
تفرج لنـا مـن جايـرات الليالـي=يـا عالـم ٍ بالـسـر والأحــوال
ابن شرار يقول مـن طيـب البنـاء=مثايـل ٍ تطـرب لـهـا العـقـال
أصونهـا عـن كـل شـي ٍ يعيبهـا=وعن هرجة أهل القيل وأهل القـال
وأنا ليا سويت قـاف ٍ مـن الشعـر=يجـي منـظـم كـنـه السلـسـال
وألذ وأحلى من لبـن شمـخ الـذرا=اللي رعـت فـي هيبـة الأبطـال
ترعى بفرسـان الشداديـن حرزهـا=ومن دونها سيـف وقنـاء ورجـال
ومن حيث ما طاح الحيـاء ربعوبـه=من الجنـوب أليـا العـراق شمـال
واخـلاف ذا يـا راكـب ٍ عيدهيـه=منـوة غريـب ٍ صايبـه ولــوال
لا روّحـت مـع رقـة ٍ مجرهـده=تشـدي نعـام ٍ ذايــر ٍ مجـفـال
تلفي بنـي جربـان كسابـة الثنـاء=أهـل القبـال الـزيـن والأفـعـال
خوالـي اللـي يكسبـون المعالـي=عاداتهـم مـن ماضـي الأجـيـال
عـوارف ٍ لا قابلوهم عوارف=ولأهـل العيـا والمخطيـه عـيّـال
يـا طيبهـم طيبـاه قـول ٍ مثـبّـت=ماهـوب قـول الكـذب والخـيـال
وقفاتهـم يشهـد بهـا كـل طيّـب=وألا الـردي ماهمهـم لـو قــال
عيال عود ٍ بان فعله علـى النضـاء=وأليا ركـب فـوق الرمـك خيّـال
جربان بن ضاوي عطيـب الفعايـل=لا جـاء لعجـات الخيـول ظـلال
أبا اتعذر من خوالـي هـل النقـاء=والعذر لـه عنـد الرجـال اقبـال
ودي بكـم مـار الليالـي عصـيـه=اللي حدتنـي لا احضـر المحفـال
حدتنـي الدنيـا وقاسـي ظروفهـا=لـو كـان قلبـي يمـكـم مـيّـال
وحمـود يستاهـل منومـس قبيلتـه=حـر ٍ رقـى بالطايـلات وطــال
شاعر محنك والرجال شهـدوالـه=يبـدع بيـوت ٍ كلـهـن جــزال
يستاهـل البيضـاء زعيـم القوافـي=والمدح في راعـي الوفـاء ينقـال
وأليا بدا التصويت يبشـر بصوتنـا=لـو كـان مـن دمـي يبـا شـلاّل
ودي حضرنـا حفلكـم يـا خوالـي=مـار الليالـي تحتـدي الـرجّـال
تقبلـوا عـذري وصـادق محبتـي=والعذر لـه عنـد الرجـال اقبـال
تمت وصلى الله على خاتم الرسـل=شفيعنـا فـي مـاقـف الأهــوال