سلامي على اهل المنتدى خص والجمهور=في اول بدايه علم والطيـب نمشـي بـه
سرى الليل يافيصل ترى في الامور اومور=ليا شـب نـار وكـل عـود بمشاهيبـه

عن أهل الوفاء والطيب غيّاب وألا حضور=هـلا مرحبـا باللـي عريبـه مجاذيبـه
ترانا ليـا منـا حضرنـا نسـد الشـور=وعلى الطيب كل ٍ نوفـيّ لـه مطاليبـه

كفى الله شرور اهل الحسد والعيون العور=بعلمـك ليـن العلـم يارجـل تدريـبـه
احد في البشر منهي واحد في البشر مامور=وانـا نيتـي للذيـب اقطـع عراقيـبـه

أنا شفت لي زول ٍ يبـا يخلـف الطابـور=عسى الله يعوقـه يـوم يـذي معازيبـه
ترى الذيب يالنشمي له أحساس وله شعور=وألا ويل مـن تسطـا علاهـم مخاليبـه

اشوف المخايل سيلها في الديار حدور=عسى العد لشراب تصفـى مشاريبـه
انا اشوفلي رجال لاناصر ولا منصور=وانا قايد القوه وابا اشوف تدري بـه

أنا خاطري رايق وأنا خاطري مسرور=وأنت يا أبن عمي لا عاد تطول الغيبه
وأحذرّك تصحب واحد ٍ ياكل من السور=ترى اللي عشاه السور غدّار بصحيبـه

ترانا على الطالات مانتبع المغرور=ولا نتبع الا اللي عطيبه مضاريبه
ولكن يافيصل ترى منته بمجبور=على هرجه النمام والشك والريبه

علامك يابن حجري توجّد على النور=وأنا خابرك ليل الغطاليـس تسريبـه
عسى ما أنته جريح ٍ ولا أنته بمكسور=وترى كل جرح ٍ عارفين ٍ تطابيبـه