شبكة الشدادين - عرض مشاركة واحدة

توقيع : بنت زايد

السلام عليكم
اشحالكم

عساكم بخير

ديوانيه عاااااااااااااامره ان شاااء الله

والله نقاشاتكم حلوه
والحوار من بينكم احلى واحلى
ربي يبارك فيكم
ويديم المحبة والتواصل

بحاول اتذكر مواضيع نقاشاتكم واعلق عليها ...
وان شاء الله اني ما انسى شي ..
واللي اطوف موضوعه سهواً فمنه المعذره والسمووحه
للأمانه كل المواضيع حلوه
بس بعتمد على ذاكرتي عاد

اما نقطة انه الرجل يساعد زوجته في البيت ..
فبرأيي ان الرجل الخليجي والعربي عموما ما زالت تغلب عليه شرقيته!
ومن اهم سمات هالشرقيه طبعا انه لا يجد نفسه في أعمال المنزل!
وطبعا لا يمكن بأي حال من الأحوال أن نعمم!
فهناك أزواج يهوون ويستمتعون بمساعدة زوجاتهم في أعمال المنزل!
وهذا شيء طيب وجميل

وإذا ما امتنع الرجل عن ذلك فشخصياً لا ألومه!
يعني عادي ..
ساعدني جزاه الله الف خير ما ساعدني ربي يحفظه...
بكل الأوال الشغل برا البيت يهد حيله .. كافي عليه

اما مواضيع بو نوره ..
عن المنتديات ..
شخصياً وعن تجربة قديمة في المنتديات تجاوزت الثمان سنين..!
اشوف ان المنتديات القبلية لها ثقلها ومكانتها مقارنة بالمنتديات العامة الأخرى..!!
وهي تضاهي في نظري المنتديات المتخصصة سواء كانت اسلامية او أدبية..!!
جميل ان تعرف ان لك حدود دايماً..
التمادي بدون رادع ... له من السوء أكثر من الحسنات او الايجابيات!
والأجمل أكيد ان تضع الحدود أنت بنفسك قبل أن يضعها لك الآخرين!
المنتدى إذا كان قبلي وفي نفس الوقت ثقافي ويحقق لي الإستفادة وأستطيع من خلاله أن انمي قدراتي الحوارية والنقاشية بمستوى راقي وأسلوب مهذب ولبق من أناس لهم مكانتهم الاجتماعية والقبليه بين أهلهم .. فمرحبا به!
أما منتديات اللعب والخرابيط وحركات المراهقين والطايشين .. فهذي لها أهلها من المراهقين وأصحاب العقول ((اللي عليها السلام))!!

اما موضوع الصداقات..
وانه الانسان يقلب عليك فجأة بدون مبرر!!
فرأيي من راي أحد الاخوان اللي ذكر فيما معناه أنه لازم دايماً قبل لا نحكم على الشخص انه متغير علينا ان نقدر ظروفه ووضعه ولا نشيل بالخاطر لمجرد انه ما سلّم علي او ما اتصل لي من مدة او انه كله مكشر وزعلان في وجهي!!
يمكن له ظروفه ..
نقدرها ليما يتكلم ويصرح بشي في داخله!
أما لو أنه فعلا زعلان منك وقاصد انه ما يكلمك وانت عارف ومتأكد من نفسك أنك ما زعلته..
فهذا انسان لا يستحق دقيقة تفكير وحدة تشغل فيها ذهنك فيه!
اذا حطيت راسك كل يوم على المخدة قبل تنام وانت راضي ومرتاح انك ما زعلت ولا غلطت على حد . ونمت مرتاح!!
وجا ثاني يوم فلان او علان زعلان منك بدون سبب..
فهو إما زعلان من نفسه لنفسه ويبي يقطع علاقته فيك ولا عارف شلون او انه سمع لاشخاص ما كدّر خاطره من تجاهك وزعل منه لنفسه كذلك!!
فهو بالحالتين ما يلزمك !!
لان بكل بساطة هذي مشكلته مب مشكلتك!!!
فليس تتعب نفسك وذهنك وتفكر فيه؟؟!!!

وفي نفس الموضوع لي تعليق على كلام اخونا احساس واثق..
الله يعينك على رفيجك ..
والموقف اللي صار وياك صار وياي تقريبا على اختلاف الاماكن والاشخاص!!
والله ياخوي لا تعبت نفسي ولا فكرت فيهم!
لان متأكدة إني ما غلطت على أحد وراضية كل الرضى عن نفسي ...
والظروف والأشغال والحياة ما ترحم أحد هالأيام ..
والمفروض مثل ما أنا أقدّر انشغالهم عني همبعد لازم يقدرون انشغالاتي!!
يمكن الفرق بين قصتي وقصتك يا احساس واثق ..
واللي يمكن كان لصالحي في قصتي ..
ان رفيجاتي ايام المدرسة شافوني صرت مغرورة ولا ابي اكلمهم ولا اسأل عنهم!!
في حين أن رقمي نفسه عندهم ما غيرته ..
ممكن اي ودة تبيني ترفع التلفون وتدق علي!
في حين انهم غيروا ارقامهم اظن ستين الف مرة ولا اعرف هم رقم!!!!
وبعد يلوموووني ليش ما اتصل!!

البنات مشكله
بس طنش تعش
اذا ظليت تناظر ورا ما راح تمشي جدام!!!

تـــرف
ياختي انتي عضوة مميزة عندنا في المنتدى
ربي يبارك فيج
وان شاء الله ياااارب دوووووووم نشوفج شعله نشاط وحيويه ..
خلج مثل ما انتي ^_^
غناتي تكلمتي عن موضوع سرقة الاطفال ..
والله هذي سوالف تخوف!!
اليوم الواحد ما يأمن ابداً على عياله يخليهم وحدهم بمكان عام!!
صج الناس ما عاد فيهم أمان!
كل يوم والثاني سوالف هالخطف بالجرايد والمواقع ..!!
الله المستعان!
ما اتذكر منو قاللي هالسالفة من فترة ..
بس اذكر السالفه عن عايلة كانوا طالعين عمرة وعندهم يهال صغار بينهم بنت صغيرة
كانوا بالحرم .. الام تصلي والبنت حولها ..
ولما خلصت تلفتت ما لقت البنت!!
قلبووو الدنيا يدورون عليها ما لقوها ..
بالاخير فقدوا الامل يلقونها ورجعوا البلاد ..
بس ظلت الام كل فترة وفترة تطلع عمره وتقعد تدور البنت ..
قلبها كان حاس ان بنتها حية وبتلقاها ..
ظلت على هالحال سنين ..
ومرة من المرات كانت طالعة من الحرم مع ناس من اهلها وشافت وحدة من هذول اللي يطلبون عند الحرم مادري يبيعون شغلات على الارصفة ..
ماعرف اظن صوماليين ماعرف شو جنسياتهم ..
المهم
معها بنت صغيره تطلب من الناس ..
يدها مقطوعة ولسانها بعد قاصينه ..
وتشحت البنت!
الام طبعا عرفتها انها بنتها ..
ماعرف شلون عرفتها .. بس يمكن احساس الام!!!
خذتها معاها سوا لها فحوصات ..
طلعت صج بنتهم
بس بعد شووو!!
احليلها لا كلام تتكلم ولا اطراف مثل باقي اليهال..
لا يد ولا لسان!!
الله ياخذهم!!
صج قصة خبروني عنها عورت قلبي من خاطر!

واظن اخيرا
موضوع البرنس
عن السفر

اااااااااااااخ اااخ جيت ع الوجع

<<<< هذا حااال اللي مو لاقييين اجازة مثل الناس عشان يسافرون

ان شاء الله تستانس في سفرتك هالسنه يا بوعلي
على وين ناوي بالسلامة؟ ..
شرق اسيا ولا اروربا ولا عربية <<< هذي الاخيره اغلب خلق الله مطيحين فيها هالصيفيه
عشان رمضان ع الابواب يبوون يقضوون الاجازات ببلد عربي عشان لا يضيعون نكهة رمضان وليالي رمضان الجميله

والله ياخوي انا اعرف ناس السفر عندهم هوس
لدرجة لازم كل شهر يسافرون حتى لو بالويكند!!
ع قولتهم يبون يتنفسون .. الهوا برا غير الهواء في البلاد

ياخذون الاحد او الخميس اجازة ويلاااا يا سفر!!!

والسفر متعة بصراحة
واللي يتعود عليه يدمنه ..
وشخصيا عندي متعة السفر مش في بلد معين لا!
معة السفر لما تروح كل مرة بلد وتتعرف فيه على طبايع وثقافة وعادات وتقاليد هالبلد ...!
تعيش العالمية بنفسك!
تصير ابن بطوطه بجد!

واذا ناوي على فنزويلاااا يا بوعلي بليييز دخيلك خذ معاك بوعبدالله ..
الرجال شوي ويجن جنووونه على جذوووره الفنزويليه ..
خذه وياك يسلم على شافيييز

يلااا ترووح وترجع بالسلامة ان شاء الله

ديوااانيه عااااااااااااااااامرة ان شاء الله
والسموووحه اذا طوفت شي من مواضيعكم
بس بحول الله بكون موجوودة معاكم بكل فرصة يسمح فيها وقتي وبتابع معاكم سوالفكم هني
ربي يحفظكم