الا وعذاب اللي يغني على ليلاه
الا وعذاب اللي يغني على ليلاه
الا وعذاب اللي يغني على ليلاه=وليلاه تقضي بالمواويل ليلتها
عليها يجر الصوت والآه بعد الآه=وهي من غيابه غير الحزن صورتها
توجد على شوفه وتسهر على ذكراه=على خدها وشمة من آثار دمعتها
تحاكي جدار كان يجلس على مركاه=تقابل مكانه زين وتصب دلتها!
تمنى الهوا الغربي لو يجيب منه وصاه=ليا هب فكت له شبابيك غرفتها
يقولوا لها العذال يا بنت خاف الله =وتقول أنتهت كل الحياة وملذتها
على قلبها غالي ولا أستوعبت فرقاه=ومن شافها بهالحال يبكي لحالتها
تشابه خلوجٍ يوم داجت على المضماه=طواها الهيام وضيعت درب ديرتها
على كل من لا يعرف الحب وش معناه=يراجع ويقرأ في تفاصيل قصتها
ويا من يودي لي قصيدي لها تقراه=لعله ليا جاها تعود ابتسامتها!
الشاعر/ محمد زياد الحارثي
توقيع : أبو عزام | سبحانك اللهم وبحمدك |
التعديل الأخير تم بواسطة السلطان ; 21 May 2017 الساعة 04:23 PM
|