شبكة الشدادين - عرض مشاركة واحدة

توقيع : السلطان

ههههههههههههه والله كفو يا ترف إنك تلاحقتي نفسك
وانسحبتي من هالجامعة القذرة لا بارك الله فيهم ولا في وظائفهم
يحسبون بنات الناس لعبة يوم يسوون معهم هالحركات والشروط المتحررة

إلا على طارئ التحرر وما أدراك ما التحرر
ودي أسولف هنا كثير وأعجبتني الديوانية بالحيل بالحيل الله يخلي لنا مطارد سراب
من زمان أنت فينك يا كاتبنا العزيز ..

قبل أيام كان معي واحد من معارفي الانترنتيين واللي لي معه علاقة جيدة من سنين طويلة
جلست أسولف معه وأسأله عن أحواله ووش مسوي في دنياه؟
وجرتنا السوالف مع بعض ودخلنا في عالم المنتديات وقلت له على منتديات الشدادين
وطلبت منه يسجل معنا ،،، ما قلت له هالكلمة إلا جلس يضحك وقال يا عمي طير وفكنا
من المنتديات القبلية وخطوطها الحمر وقيودها السود وسلاسلها الرصاصية

قلت خير إن شاء الله يا ذيبان عسى ما خلاف ،،، وش بك على المنتديات القبيلة؟!!!
تتلحقها بهذا الكلام وتظلمها ؟!!

قال يا أبوي أنا لا ظلمتها ولا شيء ...
المنتديات القبلية ما فيها فلة ولا توكل عيش
ولا يدخلها إلا الناس اللي معقدين ومتأخرين عن الزمن بكثير ...!!

كلامه أوجعني كثير ،،، قلت له تابع وش بعد عندك:
قال:
المنتديات العامة فلة ووناسة وحرية بين الجنسين
وصور رمزية وأفلام وتواقيع رومانسية والرسائل
شغالة بين الأعضاء على قفى من يشيل...!!
يعني اللي يبغى الفلة والوناسة يروح بعيد عن المنتديات القبيلة
واللي هي على شاكلة المنتديات الإسلامية ،،، كلها تعقيد وضوابط
محددة وحتى الصور الرمزية والتواقيع قاعدين لنا فيها ,,,!!!
وصدقني ما يبقى فيها إلا الناس المحافظين المعقدين اللي ما عندهم لا فلة ولا وناسة,,

أنا بصراحة تضايقت من كلامه كثير لكن هذا صاحبي وله وجهة نظره وأكيد له فكره ورأيه
المهم قلت له :
المنتديات العامة اللي تتكلم عنها منتديات مراهقين وأصحاب فكر ضعيف ومستويات تعليمية هابطة
وأقرب إلى المصطلحات الشوارعجية في تعابيرها وحياتها وسلوكياتها وما لها هدف غير الافساد وأغلب من يدخلها المراهقين اللي يلعبون مع بعض
وما تطول كثير وغالباً تنتهي أول ما يلتزم صاحبها أو أحد الإداريين ويقلبها تحت فوق وليس فوق تحت

والمنتديات القبيلة منتديات فكر وتراث وأدب واحترام للأعضاء في كل شيء
فلا أغاني ولا رومانسيات ولا صور خليعة ولا أفلام ,,,, ومن هالكلام ..

قال لي يا سلطان أنت فكرك قديم وأثري ومنتهي
اليوم الأعضاء يبغون المنتديات الفلاوية واللي تخلط الحابل بالنابل
وتعطيهم حرية أكثر في التعارف وكل عضو يأخذ راحته واللي في رأسه
شيء يبغى يسوية ما يلقى أي معارضة حوله أبداً ,,,

ولا تكثر علي يا سلطان أنا عندي لك مشروع ما فيه مثله وعمل
ما بعده عمل ،،،
قلت هات علمك:
قال نبغى نسوي منتدى ونخليه فلة ووناسة وصرقعة وهبال
وما نمنع فيه شيء ،،،، وعشان يكون منتدى حرية كاملة
ما نبغى نحط فيه مشرفين أبداً ،،،

وبنسوي له إعلانات بكل مكان حتى لو نخسر الألوف
وأبغاك أنت بخبرتك تديره وأبشر باللي تبي ,,,

يوم قال هالكلام قد وصل معي الضغط مداه وطرت فيه
وقلت والله لولا الصحبة اللي بيننا وإلا كان عرفت أرد عليك

يعني تبغاني آخذ ذنب كل من يشارك في المنتدى
وتبغاني أساهم في انحلال الأخلاق والفساد والعلاقات المحرمة
وعطيته من هالكلام الين قال خلاص فكني منك ولا عاد أجيب سيرة لك

قلت له اتق الله في الناس وفي شبابنا وبناتنا وعيب عليك
الدنيا مليانة فساد ما هي ناقصتك تزيدها فساد
واعلم إن كل ذنب يحصل في المنتدى فهو في رقبتك ,,,

والمنتديات الشعبية اللي ما هي عاجبتك منتديات الصالحين
والصالحات ومنتديات العاقلين والعاقلات
وأهل اللف والدوران لهم منتديات الرذيلة اللي تتلقاهم
ولا هم يبغوننا ولا حنا نتشرف بوجودهم معنا ,,,

صعب جداً إننا نفرض شروط منتدانا على كل الناس
لكن صدقني بتلقى هذه الشروط من يتلقاها بحب وترحيب وإعجاب

واللي في رأسه لعب وخنبقة على قولة شاهر
يروح الله يستر عليه ،،، منتديات السفالات يا كثرها
وتتلقى كل سافل ومنحط ,,,

ما علينا من كلام صاحبي اللي رفع ضغطي
لكن الأهم إني في الأخير أقنعته وقلت له
اتق الله في خلقه ولا تكن مصدراً للرذيلة والفساد

وقفة هزتني كثير وحادثة أحمد الله أنني لم أشارك
فيها بأي شيء بل وقفت ضدها وسأقف ما حييت ,,

وقتها تذكرت منتدانا وشروطه وضوابطه
وقلت يا ربي لك الحمد
يا ربي لك الحمد