شبكة الشدادين - عرض مشاركة واحدة

الملف الشخصي للكاتب · توقيع : بدوي فاهم

بسم الله .....

صباح الخير للجميع ....

موضوع راح يشترك فيه الشعراء والشاعرات فقط وفي نفس الوقت لا نستغني عن وجود الباقين ويسعدنا

تواجد الاخوان والاخوات وتعليقهم

الفكره

سابدأ أنا واختار مثلا اسم ( منيـــره )

واكتب في ( منيره ) بيتين واقول :

بنات حوا فدى ضحكتك يا منيره=عمري ثمنها عساني ما انحرم منها
آحبها كثر حب آبوي للديره=إليا اقبل الصيف ما عنا ولا عنها

والشاعر اللي بعدي طلبي يكتب في اسم ( نوره )

بعد ما يكتب الشاعر اللي بعدي بيتين في ( نوره ) ارجو انه ما ينسى يختار اسم للي بعده يكتب فيه

ملاحظه :

- للشعراء والشاعرات حرية اختيار البحر والقافيه ولا احد ملزم بقافيه معينه
او على القافيه التي كتبت عليها المثال او من يسبقه من الشعرا .

- للشاعر بيتين او ثلاثه في المشاركه الواحده .

- غرض الغزل بجميع انواعه وهو الغرض المطروح الذي سنكتب عليه الأبيات
( بعض الوصف في الغزل لايجوز ) >> لاتوهقونا مع ابونايف

الاخوان والاخوات غير الشعراء شاركونا في اختيار الأسامي وخصوصا
الجديده >> انا ما اعرف الا ( منيره - ونوره )

اللي بعدي اختياري هو اسم

( نــــوره )