شبكة الشدادين - عرض مشاركة واحدة

18 Jul 2009, 01:58 PM

حياك الله يا عشير الغانمين ومرحبابك

وموضوعك جميل وفيه معلومات مفيدة للباحثين

وكل القبائل المذكورة في الموضوع ما فيها قصور وهذي قصص العرب ونواميسها

وتاريخ نفتخر به جميعاً وهذا حال الأيام غالب ومغلوب وكل ٍ فيه حقه من الطيب

لكن خلال قرائتي للموضوع شدني أسم الفارس الأدغم السبيعي وإذا كنت من قبيلة سبيع العزيزة عندي أستفسار عن قصيدة الأدغم السبيعي اللي يقول:

راحن بي العيرات عجلات الأمراس = لين أوصلني ديرة الحودليه
لا عادت الوقفه على بير حواس = حزة صلاة العصر قبل العشيه

أريد مناسبتها كاملة وكما نسمع من الأجداد أن الأدغم كان مع قبيلة شمر..

وكذلك أريد قصيدته اللي يقول فيها:

اليوم يا ناصر غزى عارضي الشيب = من عقب ما كنه جناح الغرابي
عقب العلوم وعقب ذيك التعاجيب = اليوم عود ٍ في مروفة حبابي

وهل الأدغم المذكور في قصة الرضيمة هو صاحب هذه القصائد؟؟

وقبيلة سبيع الغلبا والشدادين كان بينهم جيرة وصحبة مجيدة وفيها العديد من القصائد

ومرحبابك يالنشمي عند الاد شداد .. أخوك ابن مهرس