المشاركة الأصلية بواسطة : واعي اقتباس
	شفت الشبك منصوب شوف العياني=وعان الشبك ياصقر جابك من الحوم واصبحت مشبوكٍ عيانٍ بياني=واصبحت عرضة للمشارية واللوم طاوعت فينا قالبين المعاني=ولا لك عليه دين لاشك مقسوم وفي غيبتك نحميك من كل جاني=ولا ارضى عليك المخطية طبع وسلوم إن كانها كبوة . سواة الحصاني=وإن كانها بعماد بالحق ملزوم أقولها وأنا وسيع البطاني=وإلنا على كسب النواميس مرسوم ولاهمني فالوقت قاصي وداني=دربي سماح وبالعقل دوم محكوم

ياللي تشره بالقوافي تراني=اغليك واعزك من العام لليوم
قد قلت لك علم نطق به لساني=مير اسمع الهرج الوفي واذكره دوم
ما اعدك الا واحدن من خواني=ومن الردى يالقرم محشوم محشوم
والعلم من دونه حصون ومباني=ماهوب في حضرتك يالقرم منضوم
لكن عشرك لاتعود ثماني=ترى غلاك بداخل القلب بالكوم
حنا ترانا من طوال اليماني=ولا الردي لامن رقد طول النوم
نحسب حساب اوقاتنا بالثواني=لجل انتنافس والخبر صار محسوم
ياللي تشره بالقوافي تراني=اغليك واعزك من العام لليوم