زعيم الحب... الرهاوي أخ وحبيب
ولكنه غامض وصدره وسيع.. والدعوى مزوح
للوناسه وسعة الصدر.. هذا ردي كبيورديه..
وانشاء الله ترقى الى مستوى قصيدتك..

شبت الشعله براس الليفه=ابا أحذف الغتره وأفك زراري
وأعتلي بالشعر راس منيفه=بين شط أبحر وشارع صاري
لو مافي جعبتي تعريفه= المهاجر يزبن الانصاري
يازعيم الشعر يا حريفه=الرهاوي مختفي من ظاري
أشهد أني شايفٍ لي شيفه= بين بايع للعلوم وشاري
نوب داره يازعيم مريفه=ونوب ولياها هبوب وذاري
ماعرفنا الذيب ويش مخيفه=جعل عمره عند راع سواري
شايبٍ يزحف عليه زحيفه=بالمقبس والرصاص الواري
أيه أحبه و القلوب صخيفه= مار زودها عساه الهاري
الله ما أحسن قبضه وتكتيفه=من قبل سنجار والا ساري
مانبي من ربعنا تزهيفه=سلمه عطوان عبد الباري!!
واضربوا فالقطن يا نديفه=لين تكبر غزلة أم مشاري
وأصنع الهجمات للهديفه=والعرب تجيك بالأخباري
والقصيده جتك ماهي ضيفه=داركم ياصلب مفلح داري
جرها وابلف مع البليفه=عاشقين وليلنا قماري
ولفلي ولعه مع اللفيفه=دقة الريشه على الاوتاري