03 May 2005, 02:13 AM
|
|
ايا قبر فواز السعد كيف بتخبي ؟ !!
ايا قبر فواز السعد كيف بتخبي = بداخلك جود ضاقت عن اخذه البيدي
هذه القصيدة قلتها بعد وفاة العميد / فواز بن خالد السعد رحمه الله 0 ولو كتبت الف قصيدة على شاكلتها لم أوفي ذلك الرجل حقه 0 وهنا أجدها فرصة لأعزي أهله وأعتذر لهم لأنني لم أعلم عن وفاته إلا بعد اسبوعين 0 تغمد الله ابا خالد بواسع رحمته والهم أهله الصبر0 إنا لله وإنا إليه راجعون 0 (محمد بن زياد الشدادي )
لعل السحاب اللي على الساحل الغربي=مزونه اليا هلت غروب المعاويدي
مزون من المنشا تصب العبر صبي=عساها على قبر ابو خالد تراديدي
عسى نفحة الخيرات والرحمة تهبي=على روحه الطاهر ومنزاله شهيدي
انا طالبك وارجوك يالله ياربي=توسع عليه لحوده اميال وتزيدي
تذكرت قبل العام يومه يرحبي=على مكتبه ربعه صدور ومواريدي
على وجهه البسمه وفي قلبه الحبي=كثير التحايا قبل ما اصافحه بيدي
ايا قبر فواز السعد كيف بتخبي= بداخلك جود ضاقت عن اخذه البيدي
هو الطيب هو الخير هو مشعل الدربي=هو الليث هو الغيث من ساس اجاويدي
هو القايد اللي يوم ضو الوغى شبي=يخوض المعارك بالرجال الصناديدي
معاني قصيدي في سجاياه تسهبي = ولا اوفيه حقه لو كثرت تمجيدي
خذا المدح يوم ان الردي ياخذ السبي= يوم أن الردي ما يكسب اللا المناقيدي
خذته المنون وعارف ٍ مالها طبي=عسى فالنعيم الله يخلدك تخليدي
اعزي بني شداد شيبان مع شبي=وانا اللي عزايه فيك شعري واناشيدي
وعدد من يحج البيت ويزور ويلبي=صلاةٍ على روحك من الله يا سيدي
|