عرض مشاركة واحدة
قديم 07 Nov 2009, 08:55 PM [ 2 ]
مؤسس شبكة الشدادين


تاريخ التسجيل : Jan 2005
رقم العضوية : 1
الإقامة : saudi arabia
الهواية : رياضة + كمبيوتر وبس
مواضيع : 2072
الردود : 91533
مجموع المشاركات : 93,605
معدل التقييم : 4981السلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond repute

السلطان غير متصل




الشاعر/ بسيس بن سفر بن حديّد الشدادي رحمه الله



شاعر السهل الممتنع .. وبيطار القوافي




شاعرنا بسيس بن حديّد أحد الشعراء الشعبيين المميزين في المملكة العربية السعودية والخليج العربي وله قصائد كثيرة تثبت علو كعبه في الشعر ومقدرته على حبك القوافي وسبكها في قالباً جميل ورائع جعله في مصاف الشعراء الشعبيين الذين تميزوا بأصالة الشعر وقوة المفردة..

هو الشاعر الكبير بسيس بن سفر بن معيض بن عواض بن حديّد الشدادي الحارثي ولد في تاريخ 11/7/ 1356هـ في الحارثية ديار آباءه وأجداده وعاش في البادية مع والده الفارس المعروف سفر بن حديّد ( أخو قطنه ) وتعلمه منه الأخلاق الفاضلة والشجاعة والكرم, ويعتبر شاعرنا بسيس بن حديّد من بيئة شعرية أصيلة ومن سلالة شعراء فطاحله فوالده سفر بن حديّد شاعراً من الطراز الأول وتميز شعر سفر بن حديّد والد شاعرنا بسيس بالقوة والأصالة كقوله في إحدى المناسبات مفتخراً بقبيلته:

أرس يا عد ٍ هله نزّلوا فوقه = قرّروا مشروبه الاد شدادي
لو ترد برقا عتيبة مع الروقه = ما يغيّض جمها كل ورّادي
شاهد الموتان تحته ومن فوقه = عزوتي في الحرب شعوان الأولادي
عزوتي نو ٍ تنافض به بروقه = أوله برق ٍ وتاليه رعادي
مثل سيل ٍ ينهب الطلح بعروقه = قام يرميبه على الضلع والوادي
الجبل نبديه ونعدّي اوسوقه = لين راعي الدين يخلص ويزدادي
في نهار ٍ غالي ٍ ينهبط سوقه = كل يوم ٍ فيه صياح ٍ ومنادي


ولا غريب على شاعرنا بسيس هذه الجزالة والأصالة التي نراها في شعره فهو من بيت فروسية وشعر, والقارئ لقصائد شاعرنا بسيس بن حديّد يجد سهولة في قراءة قصائده وسهوله في حفظها وقوة في معناها ومبناها بعكس بعض الشعراء الذين يبحرون في المعنى إلى درجة تشتيت القارئ مما يجعل القراء يملون من قراءة قصائده إلا أن شاعرنا بسيس بن حديّد كلما قراءة له قصيدة تجدك ظمئت وتعطشت لقراءة المزيد من شعر بسيس بن حديّد..

تميز شاعرنا بسيس بن حديّد رحمه الله بالعذوبة وعدم التكلف وقوة المعنى والمبنى كقوله في إحدى قصائده مادحاً الإبل وحليبها ومقارناً حليب الإبل الطبيعي بالحليب الاصطناعي:

البل عطايا الله طوال النسانيس = حليبها أحلى من حليب البقاله
خلف ٍ ليا جن والشمايل معابيس = محلى حليب الخلفه أم الشماله
لاجن يبن مراحهنه مشاميس = تبى المراح وحظ من هي حلاله
حليبها أحلى من حليب القراطيس = ماله طعم مثل الشعير النخاله
هذا لبن ٍ علبه وهذا لبن كيس = ولا ينعرف صافي اللبن من حثاله
لبن صناعي ماله أم ٍ ولا ديس = وإن زل تاريخه نطل في الزباله


وأمتاز شاعرنا بسيس بشعره الطريف حتى عرف بالطرافة والعذوبة كقوله في إحدى قصائده سعيداً بنجاح بناخيه ولا تخلو القصيدة من المعاني السامية والنبيلة:

يالله ياللـي تبـدل حـال بأحوالـي=تنجـح اعيالنـا وصلـح لنـا النيـه
سلطان بسمه عزمني وانشرح بالـي= وأشوف متعب تحـزم لـه بشبريـه
يقـول يا خالنـا ما نـاخـذ التـالـي= ممتـاز تقديرنـا وقلوبـنـا حـيـه
ومجنب ٍ دربنا عـن درب الانذالـي= نبـا التقـدم مـع أفـراد السعوديـه
والطيّب اللي يجي في المنزل العالي=منـازل الطيـب مرفوعـه ومبنيـه
رجل بلا مستوى ماهـوب رجالـي=يعيـش محتـار لا مويـه ولا فـيـه
أما محمد نجح وارفـع لـه اعقالـي= بالرتبـه اللـي علـى متنـه ملكيـه
وسعد سعد صار له في القلب منزالي=وأما جزاء نسبته ميـه علـى ميـه
وحمد رفيـق السعـد لا ما يورالـي=وأنا احمد الله بعـد نجحـوا بناخيـه




وفي إحدى قصائده الطريفة يوظف شاعرنا بسيس بن حديّد رحمه الله الطرفة في وصف الشجاعة والضعف بقالب شعري جميل عندما يقول:

كل ٍ يقول أطلب لزومك ونعطيـك=نسل الحرار أحرار ماهـم بومـي
الصقر في أيام المجاعـه يعشيـك=والحايمـه حتـى عليـّه تحومـي
الحر حر ولا يشابـه لـه الديـك= والديك له خلقـه وأذانيـه تومـي


ولقد برع الشاعر بسيس بن حديّد رحمه الله في جميع أغراض الشعر المتعدده من نصح وإرشاد ووصف ومدح وغزل ورثاء وغير ذلك من أغراض الشعر الكثيرة فنجده في إحدى قصائده يصف حالته مع الشعر وأنه رفيق دربه طول حياته:

قلبي يهددني على الشعـر تهديـد=تقـول ديـّان يـدوّر حسـابـه
ديّان حـق وناخـذه بالمواعيـد=وأليا زعل ما جابت الورق جابـه
الناس تبنـي بيوتهـا بالتقاصيـد=ومبنى ٍ يجي طيّب ومبنى خرابـه




ويقول في إحدى قصائده مبيناً تمكنه من الشعر:

المعرفـة ما خذتهـا بالتقاصـيـد=أعـاف هرياهـا وأحـب السمانـا



وفي التعبير عن النفس وشيماتها عند الشعراء نجد لشاعرنا بسيس بن حديّد هذا البيت الرائع الذي تفوح منه رائحة الفطرة النقية وأصالة هذا الإنسان ويعتبر بطاقة تعريفية لشاعرنا الراحل رحمه الله حين قال:

أنا ليا صليت وأكرمت ضيفي = هذاه مطلوبي وهذا أرتياحي


وفي أبيات أخرى يقول شاعرنا بسيس بن حديّد:

البيت يا عبيد لـه طاقـه وبيبانـي=والمقفيـه صـد عنهـا لا تقفـاهـا
ياعبيد ابويه عن العالات وصانـي=وأقفيت مالي بغيض الناس وارضاها



وفي الحكمة وذم البخل والضعف يقول شاعرنا بسيس بن سفر بن حديّد:

من لا تجمل حي ما هـوب رجـّال=لا مات من يبغى العوض في الجنازه
لا ينفـع الميـت ولا هـوب ينشـال=ولا يوضي الفانـوس لابـاح قـازه



وكذلك قوله:

الناس مدّاحه لمن زان فاله = ومن شان فاله عرّضوه التشمات


ولقد حرص شاعرنا بسيس رحمه الله في الحث على التكاتف ووحدة الصف وإبراز محاسن الإجتماع كقوله في إحدى قصائده:

إليا صفانـا ناخـذ الحـق ونزيـد=وإليـا تفرقنـا خـرب مستوانـا
وحنا مـن أول ما نحـب المقاعيـد=وإليا مشى شيـخ القبيلـة مشانـا
صدقان للي ماحدانا علـى الحيـد=وعدوان للي يعترض فـي نحانـا
إمـا كسرنـا شوكتـه بالبواريـد=وألا علـى خـده بالأرجـل وطانـا



وفي إحدى قصائده يقول شاعرنا بسيس متحدثاً عن لم الشمل والتحذير من الفرقة:

أليا انشقرنا وراح الصف صفيـن=فرحوا علينا مباغيض ٍ عداتي
وان ما هبطنا الاحد مع سوق الاثنين=صرنا ضعيفين والفرقـه شماتـي



أما جانب الغزل والعاطفة فنجد شاعرنا بسيس بن حديّد رحمه الله يقول في إحدى قصائده بكل عذوبه وسهولة وبدون تكلف هذه الأبيات في الغزل العفيف التي لا تخلو من الطرفة:

ياعبيد ياللي منزلك في الجبوبـي=انشدك بالله وين راحـوا عربهـا
هات الخبر مع مذريات الهبوبـي=عن جادلن محد ٍ هرج في نسبها
بأوصافها حليت غزال الجنوبـي=حليّهـا ما بيـن نجـران وأبهـا
الصيدلـي ما تعرفـه والحبوبـي=ولا جت على الدكتور تشكي ركبها



وفي مقارنة بنات البادية مع بنات هذا الزمان قال شاعرنا بسيس هذه الأبيات ومتوجداً على حياة البادية وما آلة إليه الأن من هجر أهلها لها يقول شاعرنا:

ماحطت الفرشه على بيض الاسنـان=ولا ربطت في الراس مثل الـورودي
ولا سيّرت بين العـرب مالهـا شـان=ولاخذت عشاها من تميس الهنـودي
ماقالت اشروا لي مسجـل وشرطـان=ولاطالعـوا فيهـا وجيـه القـرودي
ولاتستمع في كـل مطـرب وفنـان=ولاحـط حمـالات فـوق النهـودي
اديارنـا منـا ليـا بطـن سلـوان=عقب النبات الزين راحت ضمـودي
وراع البداوه صار ماهـوب رغبـان=وان جـاء يقـود رعيتـه ما تقـودي
واللي معه معزا وقطعه من الضـان=اهل الديانه فـي طرفهـا قعـودي
بأصبر كما صبر ابن عمي سليمـان=لو كان بعض الصبر مالـه حـدودي



وفي وصف الدنيا وأيامها المتقلبة يقول الشاعر الكبير بسيس بن حديّد رحمه الله:

دنيا ً سوات اللي ركب لـه مطيـه=يقول اباخذ مع هل الهجن مشوار
والموت للمخلوق مسرع مجيـه=لو حط له حارس وكرسـيّ دوّار





ويقول بسيس بن حديّد رحمه الله في إحدى قصائده متحدثاً عن الموت وخروج الروح:


المـوت لاجـاء صاحبـه ما يخليـه=ينزله مـن فـوق ظهـر المطيـه
يتل روحه ليـن تاصـل علابيـه=ويجرجـره حتـى تراقـل لحيـه




ولقد توفي شاعرنا بسيس بن سفر بن حديّد في 11/5/1426هـ رحمه الله وأسكنه فسيح جناته مخلفاً للساحة الشعبية إرثاً عظيماً وقصائد كثيرة تسطر بماء الذهب فرحم الله موتانا وموتى المسلمين أجمعين.


توقيع : السلطان
الأعلى رد مع اقتباس