البـل عطايـا الله طـوال الـنسانيس=حـلـيـبــهــا أحـلـى مـن حليـب الـبـقالة
خلفــن ليا جن والـشـمايــل مـعــابــيــس=ما أحلى حـلـيــب الـخـلـفـة أم الـشـمـالـة
لا جـن يـبن مـراحهنه مــشاميـس=تــبغــى المراح وحظ مــن هـي حـلاله
لا شافهــا الـغـافــل تـعوّذ مــــــن ابــلــيــس=زمالة ٍ يا حيّهـــــا مـن زماله
حليـبـهـا أحـلــى مــــن حـلـيــب الـقـراطـيـس=ماله طـعم مثل الــشــعــيــر الــنــخــالــة
هـذا لبن علبة وهـذا لـبـن كــــيــــس=ولا يـنـعـرف صـافــي الـلـبــن مــــن حـثـالــه
لبن صناعي ماله أم ٍ ولا ديـس=وأن زل تــاريـخه نـطـل فـي الــزبالة
وقلبي ليا دقـت عليه الـهــواجــيــس=مر ٍ مع الـــعالم ومـر ٍ لحاله
ما عاد أشوف النجر هو والمحاميس=وأشوف بعض الناس بـــيّع دلاله
وخلا العوض ثلاجة ٍ ما لـها قــيـس=وحالـه مـع أهـل الكيـف يـا خـس حـالـه
هـــــذا زمـن ٍ بــذّ ابـن علـي وبــســيــس=ورمى بـهـم بين الرشـا والمحالة
رمى بهم وأخذ عليهم مراويـس=وش ذا الزمن الــلــي ســريـع ارتحـاله
وتكفى يـا اخو تركـي بعـيـد المرامـيـس=مـحـماس بن سودان عطــه الـرسالة
وقلّه كـفـاه الله شر المناحيس=وتـــراك عني قـايـم ٍ بـالوكالة