_ لو أُعطيت الخيار أو الأمنية حول مستقبل زايد الله يحفظه فيما يختص بالوظيفة وتحديد بناء مستقبله ،
أين ترى الأفضل له ؟
أكيد بختار له وأتمنى له الشيء الكويس والخير طبعاً
أما بالنسبة للوظيفه وتحديد المستقبل فبكيفه مقدر أجبره
على شيء مايبيه ولا يرغبه لأنه لا أنجبر ماراح يفلح فيه
وبخليه يختار اللي يبي في حدود المعقول << أوووم الديمقراطيه ههههههه
_ هل أنت من المؤيدين لتحديد النسل أو تنظيمه ؟
ما أقدر أتكلم حول هالموضوع لأن فيه فتاوى خاصة به
وماودي أفتيك يابو سعد فنكون بعيدين عن الشريعه أفضل
_ أطيب و أوفر مقناص قنصته في حياتك
وماهي الحصيلة فيه ؟!
المقانيص اللي قنصتها كلها وفيره وماتهم الوفره بقدر الوناسه وسعة الصدر
بس أوفر مقناص كان عام 1428ه في الدبدبه على حدود الكويت
كان عدد الضبان الحيه حول 100
والميته 5 حافظات مليانه ما مدانا نعدها
هذا كله خلال يوم واحد فقط
|