20 Jun 2005, 01:58 PM
|
[ 3 ]
|
نائب المشرف العام
تاريخ التسجيل : Mar 2005 |
رقم العضوية : 106 |
الإقامة : saudi arabia |
مواضيع : 478 |
الردود : 33237 |
مجموع المشاركات : 33,715 |
معدل التقييم : 25 |
|
بعد أذنك كذا أوضح ياعبدالرحمن
شـوقتــني للشــعر ياحســين تــشويــق = وأنـــا من أول دالـهن عــن بـيوتــه
رجعت أحلق في سـما الشــعر تحــليق = وأختار من حالـــي جـــناه وبيوتـــه
للـشعر محـترفيـن واحــنا عــشاشــيق = والمحترف لاشاف هاوي يشـــوتـه
الصدر لو يزعل مـن البعض ويضـيق = ماكان قاع البحر ياســـع لـــــحوته
أبنــصـح اللــي لــفق الـــشعر تلفــــيق = أحسن من التلفيق ظـــني ســـكوتـه
ويفرح لــيا صـفق له الــناس تصــفيق = والصفق ضده مايبي سمع صـوتـه
نرفـع مقــام الشعر فــوق المشاهــيق = وليا بدعت الــشعر أحـــكم بيــوتـه
يامسـوقين الــشعر بالقــرش تــسويق = ســـوات عـــطار يـســوق زيـــوتـه
الشــعر لــه قيــمه ومعــنى وتــحقــيق = والشاعر أركان الشعر ماتــــفوته
وصرف الذهب ماهـو سوات التفاريق = والـــبز صوفــه مايـشابه لـــدوتــه
لابـــد مــن يـــوم تــزول المـــساحــيق = والـشهر مايخـــــفاك لـيلة ثبــــوته
كم غاص في بحر الشعر من مطاريق = لازال ذكــره حي مـــن بـعد مـــوته
يفتح بيوت الشـــعر لو هـــي مغالـــيق = ويغوص في بحره ويسرج يخوتـه
وصلو على المختار ســـيد المخالـــيق = اللي ظهر في الأرض فعله وصيته
مشكور ياعبدالرحمن قصيده راااائعه
ونحن في انتظار حسين
|
توقيع : عبدالله الشدادي | |
|
|
|