29 May 2006, 02:04 PM
|
|
الفقر فقر المعرفه والرجوله( مصافحة أولى)
الفقر فقر المعرفه والرجوله
ياوقتنا ياللي تخوف مواريه=وقتٍ على العقال يقرع طبوله
وقتٍ على أهل الطيب شانت مناحيه=ومع الخبل ماشي بعرضه وطوله
منول الرجال بسمه وطاريه=يعرف ولو هو راس ماله ذلوله
واليوم لن ماجت كبارٍ مخابيه=يقفي ويقبل والعرب مانظروله
ولياهرج ماواحدٍ يلتفت فيه=حتى النصيحه لن نصح ما سمعوله
واللي معه قرشين كلن يحييه=لو كان مايسوى جحش صفقو له
واحد يرحب به والاخر يناديه=وأحدٍ يقول الشيخ جا فسحوله
وليا هرج تسمعو كلهم فيه=لو مايجمع كلمتين ضحكو له
الوقت وش باقي علينا يبديه=لا والله الا هالنا الله يهوله
الفقر فقر الدين ياللي مخليه=والفقر في من كب سنة رسوله
والفقر فقر الطيب يازاهدٍ فيه=والفقر فقر المعرفه والرجوله
والفقر إذا مالك خوي تخاويه=غني نفس وكل علمٍ يطوله
اليانصيته فاللوازم تلاقيه=والكذب والعلم الردي مايقوله
المال لابد الليالي بتفنيه=ولاباقيٍ للرجل الا فعوله
وفقر المخابي ماأعترف به وأسميه=الفقر فقر المعرفه والرجوله
فواز الحارثي
|