مقصودي البادي مزيل المهمات==عوني على الحاجات مغني المفاقير
زبني عن اسباب الامور العظيمات=اوي زبنن من تنصاه ماذير
ربي ايلاهي مقصدي فيه مكفات= رجواي ماغيره علاه التدابير
قلته وانا اجفاني عن النوم سهرات=والقلب كنه فوق عوج المناشير
الناس كل ياخذ النوم سجات= وانا يكني فوق حمر المجامير
اسهر وليلاتي من الضيق قزوات=وروحي على صدف النياء والهواشير
وقعت في غي الخشوف الربيبات=تلع الرقاب الغر غرن غراغير
ردنني في سن عصر الجهالات=وقد هوجرني في هواء الغي تهجير
لالد ولالي في ذا الافتان شوفات= ولايفز القلب لوهن جواهير
لا شك انا كتبت على الشقاوات=وراضي بتدبير على الشر والخير
ويازين شف قلبي جروحه عطيبات=اتعبتني وزريتني بالمعايير
حملتني بحمول حبٍ ثقيلات=حتى صلاة الفرض جاء فيه تقصير
بقرايتي للحمد اقراء التحيات=والواجب ان القلب عندك ليا دير
وياجبر بشكيلك وبالقلب علات=ابدي علاك السد سر وتجهير
ياجبر لوهي الجبال الصليبات=ذاب الصفاء منها كما ذوبة الكير
ولا تقول انه تفك النذارات=ولاتلوم المبتلي وادع له خير
قل لابلينا ودع الي بالمعافات=تنجي وهي لك من خيار المذاخير
وبالك تهزاء والبلاوي بصدفات=تراء سبب مابي تهزيت بالغير